შეტყობინებარატომ არის მატრასი მნიშვნელოვანი?
რატომ არის მატრასი მნიშვნელოვანი?
რატომ არის მატრასი მნიშვნელოვანი?

სიზმარი ფილმივითაა. სხვადასხვა სიუჟეტი საინტერესო პერსონაჟებით და რაც მთავარია, ჩვენ, როგორც მთავარი მოქმედი პირი. მისტიკური ფილმი, რომლის მაყურებელი მხოლოდ ჩვენ ვართ.

თუმცა, მშვიდი ძილი და სიზმრების ნახვა ბევრ გარე ფაქტორზეა დამოკიდებული და ხშირად ადამიანებს ინსომნია აწუხებთ, რაც ჯანმრთელობისთვის საზიანოა. სრულყოფილ ძილზე ხომ დამოკიდებულია ჩვენი სტრესის ხარისხი, მუშაობის მოტივაცია და სხვა მნიშვნელოვანი საქმიანობა.

როგორია ის კომფორტული გარემო, სადაც მშვიდად შევძლებთ ძილს და ენერგიის აღდგენას?

კომფორტული გარემოს შესაქმნელად აუცილებელია სწორად შეარჩიოთ მატრასი. მატრასი, რომელიც უზუნველყოფს სხეულის ნეიტრალურ პოზიციაში ყოფნას, არის იდეალური თქვენთვის. არც ძალიან რბილი და არც გამორჩეულად მაგარი. შეარჩიეთ ისეთი მატრასი, რომელიც გათვლილი იქნება სწორედ თქვენი სხეულისთვის.

რითი დავიწყოთ?

პირველ რიგში, განსაზღვრეთ, გჭირდებათ თუ არა მატრასის შეცვლა? თუ რამდენიმე წლის მატრასი გაქვთ, რომელიც მოძველდა და დილით გაღვიძებისას ზურგის არეში ტკივილს გრძნობთ, მაშინ დროა ახალი შეარჩიოთ. დღეს ბაზარზე არსებული მატრასები გათვლილია მრავალწლიან მოხმარებაზე. თუმცა, იმის გამო, რომ ჩვენი სხეული დროსთან ერთად იცვლება, სასურველია, არსებული პერიოდულად ახლით ჩავანაცვლოთ.

მატრასის შეძენამდე კი გაითვალისწინეთ რამდენიმე დეტალი:

  • განსაზღვრეთ როგორი ზომის და სიგანის მატრასი გჭირდებათ. ეს დამოკიდებულია იმაზე, თუ როგორ გძინავთ. თუ ხშირად იცვლით მდგომარეობას, აირჩიეთ განიერი მატრასი.
  • დისკომფორტს შეგიქმნით თუ არა მყარი მატრასის შეძენა, თუ პირიქით? სპეციალისტები გვირჩევენ მყარ მატრასს, რადგან წოლისას ჩვენი ხერხემალი სწორ მდომარეობაშია. შეარჩიეთ ისეთი მაღაზია, სადაც შეიძლება რამდენიმე წუთით მატრასზე წამოწოლა და შეძენამდე გულდასმით შემოწმება.
  • განსაზღვრეთ რამდენი ადამიანისთვის არჩევთ მატრასს. ამის მიხედვით შეარჩიეთ სიგრძე და სიგანეც.

თანამედროვე ბაზარზე სხვადასხვა მასალის მატრასის შეძენაა შესაძლებელი. გამორჩეულად პოპულარულია ლატექსის მასალის. ლატექსის მატრასი ძირითადად მზადდება ნატურალური, ან სინთეტიკური კაუჩუკის მასალისგან. გამორჩეულად მყარი მასალისაა, უნარჩუნებს ხერხემალს ფორმას და არ იწვევს მის გამრუდებას. ლატექსის მატრასები საკმაოდ ძვირია და დაახლოებით თხუთმეტი წლის ვადა აქვს.

ასევე, საკმაოდ პოპულარულია მატრასი, რომელიც ღრუბლის მასალისაა და ინარჩუნებს სხეულის კონტურებს. გამორჩეულად კომფორტულია მსგავსი მასალის მატრასზე ძილი, რადგან ადამიანის სხეული მასში სრულად ეფლობა. იგი ადამიანის ტემპრეტურას ინარჩუნებს და სითბოს გამოყოფს.

რატომ არის მატრასის სწორად შერჩევა მნიშვნელოვანი? რადგან სწორედ ეს არის ერთ–ერთი მნიშვნელოვანი ფაქტორი სასიამოვნო სიზმრების ყურებისთვის.

 

შეფასება
დატოვე შეფასება
ყველა შეფასება