შეტყობინებარჩევები საუკეთესო სამზარეულოსათვის
რჩევები საუკეთესო სამზარეულოსათვის
რჩევები საუკეთესო სამზარეულოსათვის

2011 წელს ამერიკაში დაუჯერებელი რამ მოხდა: კომპანია Juicys foods –მა ჰამბურგერი რეკორდულ ფასად, 5000 დოლარად გაყიდა.

ამ ერთი ჰამბურგერის წარმოუდგენელი ფასი დღესაც წარმოუდგენლად მაღალია. თუმცა, შეიძლება გემრიელი ჰამბურგერი, ან სხვა ნებისმიერი კერძი, ჩვენს საკუთარ სამზარეულოში მოვამზადოთ და ამისთვის მხოლოდ შთაგონებაა საჭირო.

როგორ გავხადოთ კერძის მომზადების პროცესი სასიამოვნო? პასუხი მარტივია: კერძების მომზადებისთვის საჭირო ნივთებით.

სამზარეულოს ნივთების კომპლექტში აუცილებლად უნდა შედიოდეს მინიმუმ ერთი ტაფა, ქვაბი და ღუმელი. რა თქმა უნდა, შეიძლება დავამატოთ ბლინების დამზადებისთვის საჭირო, ან სხვა კონკრეტული დანიშნულების მქონე ტაფა, თუმცა განსაკუთრებით მნიშვნელოვანია რა მასალის და დიამეტრის იქნება.

გამორჩეულად პრაქტიკული და ფუნქციურია სამი ტიპის სამზარეულოს ნივთი, რომელიც კერძის მომზადებაში დაგვეხმარება:

  1. ომლეტის მოსამზადებელი, 20 სმ. დიამეტრის ტაფა, რომელიც ყოველდღიურად შეგვიძლია გამოვიყენოთ. განსაკუთრებით მაშინ, როცა სადილის მომზადების დრო და სურვილი არ გვაქვს.
  2.  ქათმის ფილეს შესაწვავი, 22 სმ. დიამეტრის ტაფა, რომელიც ხორცს მარტივად შებრაწავს.
  3. 30 სმ. დიამეტრის ქვაბი, რომელიც არ არის ძალიან ღრმა და განსხვავებული, წვნიანი კერძების მოსამზადებლად იდეალურია.

რა თქმა უნდა, ვიზუალურ მხარეს დიდი მნიშვნელობა აქვს, თუმცა, კერძების მოსამზადებელი ნივთების შერჩევისას აუცილებელია განსაზღვროთ რამდენად პრაქტიკული და კომფორტული იქნება თქვენს სამზარეულოში. პრაქტიკულობა კი დამოკიდებულია მასალაზე.

რა მასალა ავირჩიოთ?

ყველაზე ხშირად შეგხვდებათ კერამიკული ზედაპირით, მინის თავსახურიანი ტაფები, რომლებიც საკმაოდ პოპულარულია რამდენიმე მიზეზის გამო: ტაფის კერამიკული გული საკვებს არ იკრავს, შუშის მასალის გამო კი არ არის საჭირო თავსახურის აწევა, რომ კერძი ვნახოთ მომზადებისას.

ყველაზე გამძლე მასალა არის უჟანგავი ფოლადი. მსგავსი მასალის ტაფები ტემპერატურას იდეალურად  ანაწილებენ. რაც მთავარია, არ შედის რეაქციაში საკვებ ნივთიერებებთან და არ წარმოადგენს ადამიანის ჯანმრთელობისთვის საფრთხეს. შეიძლება ისეთი ტაფაც კი შეაჩიოთ, რომლის გარეცხვა შესაძლებელია ჭურჭლის სარეცხ მანქანაში, რაც დამეთანხმებით, დიდი კომფორტია.

ასევე, გავრცელებულია სპილენძის მასალა, რომელიც გამოირჩევა მიმზიდველი ვიზუალით. მსგავსი მასალის ტაფების მთავარი პლუსი არის ის, რომ ცხელდება თანაბრად და მარტივია კერძის მომზადება. თუმცა, ფოლადისგან განსხვავებით, ეს მასალა საკვებ ნივთიერებებთან რეაქციაში შედის და შესაბამისად, ცხარე კერძების მომზადებისას ალტერნატივა უნდა მოიფიქროთ. ასეევე, საკმაოდ ძვირია  და რთულად ირეცხება.

სპილენძის შემდეგ შეიძლება არჩევანი ალუმინის მასალის ტაფებზე შეარჩიოთ. ფასი ხელმისაწვდომი აქვს და საკმაოდ გამძლეა.

ხოლო რაც შეეხება  ტაფის სახელურებს, ძალიან მოსახერხებელია სილიკონის მასალის, რადგან მარტივია გაცხელებული ტაფის ხელში დაჭერა. თუმცა, სილიკონის სახელური ღუმელს ვერ უძლებს და კლასიკური ლითონის სახელური უწევს კონკურენციას.

 

 

შეფასება
დატოვე შეფასება
ყველა შეფასება