შეტყობინებასახლის ყიდვა რეკლამის მიღმა
სახლის ყიდვა რეკლამის მიღმა
სახლის ყიდვა რეკლამის მიღმა

წარმოიდგინეთ, აღებთ კარს და ხვდებით მაღალჭერიან სახლში. სახლს სასიამოვნო ფერის კედლები აქვს, გრძელი ფანჯრებიდან კი ოთახებში მზის შუქი შემოდის. უკვე გეგმავთ, თუ როგორ მოაწყობთ ბავშვის სათამაშო ოთახს, როგორ  ჩამოკიდებთ საძინებელში საყვარელ ფარდებს.

უკვე წარმოგიდგენიათ, სად დადგამთ წიგნების თაროებს და რომელ ოთახში მოაწყობთ წვეულებებს.

სახლის გამყიდველი ფასსა და გადახდის ვადებზე გიწყებთ საუბარს. ეს საოცნებო, სრულყოფილი სახლი თითქმის თქვენია, მხოლოდ რამდენიმე ნაბიჯიღა რჩება,

მაგრამ სანამ ხელშეკრულებას ხელს მოაწერდეთ, დააკვირდით იმ დეტალებს, რაზეც სახლის მეპატრონე არასდროს გაამახვილებს ყურადღებას.

 

დეტალი 1: ელექტრო გაყვანილობა.

ბინის შესასვლელში დაინახავთ დაცვის ავტომატებს, დააკვირდით და კითხეთ სახლის მეპატრონეს საშუალოდ, ბოლო 15 წლის მანძილზე შეიცვალა თუ არა ელგაყვანილობა. დეტალი 2:  სანტექნიკა.

შედარებით ადრე აშენებულ ბინებში ხშირად შეგხვდებათ თუჯის მილები, რომლებიც  სიძველის გამო დაჟანგებულია. ამ მილებზე დაყენებული სარქველებიც (იგივე ვენტილები)  არ მუშაობს გამართულად, ასე რომ, არ დაგავიწყდეთ აბაზანის და  სამზარეულოს დეტალურად დათვალიერება და იმის შემოწმება, მილი თუჯისაა თუ პლასტმასის და იკეტება თუ არა სარქველები.

რა შეიძლება მოხდეს თუ ..

  • თუ გადაწყვიტეთ სარეცხი, ან ჭურჭლის სარეცხი მანქანის დამონტაჟება, შესაძლოა, ძველი მილების მთლიანად შეცვლა დაგჭირდეთ. ეს კი გაუთვალისწინებელ ხარჯებთან და დროის დაკარგვასთან არის დაკავშირებული.
  • ასევე, თუ სახლში კონდიციონერის დამონტაჟება გსურთ, შეიძლება ახალი გაყვანილობის დაყენება გახდეს საჭირო. ძველი ელგაყვანილობა ხომ არ ყოფილა გათვლილი თანამედროვე ადამიანის ისეთ მოთხოვნებზე, როგორებიცაა ერთდროულად ტელევიზორის, კომპიუტერის, სარეცხი მანქანის და სხვა ტექნიკის ოცდაოთხსაათიანი მუშაობა.
  • შეიძლება არც კი დაგჭირდეთ რაიმე ტექნიკის დამონტაჟება იმისთვის, რომ დაძველებულმა გაყვანილობამ შეგაწუხოთ. არსებობს იმის შანსი, რომ მოულოდნელად გახურდეს სადენები, ამოვარდეს დაცვის ავტომატი, ან გასკდეს წყლის დაჟანგებული მილი. მილის გახეთქვის შემდეგ კი წყალი მეზობელთან ჩავიდეს.

 

გსურთ შეიძინოთ ისეთი ბინა, სადაც ცხოვრება მომავალში დაუგეგმავ ხარჯებთან დაკავშირებული არ იქნება? გსურთ მაქსიმალურად გამორიცხოთ ხელოსნის გამოძახების აუცილებლობა ყოველდღიურად? მაშინ  შეაფასეთ სახლი რეკლამის მიღმა.

 

 

 

შეფასება
დატოვე შეფასება
ყველა შეფასება