ირგვლივ ყველაფერი ყვავილობას და გამწვანებას იწყებს, ამიტომ სულაც არ არის გასაკვირი, თუ მცენარეების და ყვავილების მოვლამ გაგიტაცათ. საკითხავია, რა გზებით ჯობს თქვენი ახალი გატაცების დაკმაყოფილება? სტანდარტული ქოთნებით, მოზრდილი საყვავილეებით თუ უფრო კრეატიულ დიზაინში გადაწყვიტავთ? რაზეც არ უნდა შეაჩეროთ არჩევანი, ქვემოთ მოცემულია იდეები, რომელიც დაგეხმარებათ თქვენთვის სასურველი ყვავილნარის უკეთ წარმოჩენაში.

თუ სახლში გაქვთ ორიგინალური ხის კიბე, რომლის თაროებზეც ყვავილების განთავსებას შეძლებთ, ძალიან თვალწამრტაც მცენარეების კუთხეს მიიღებთ. სიმაღლეზე დაწყობილი ქოთნები თქვენს ყვავილებს საუცხოო კონტრასტს შეუქმნის. თუ კიბე არ გაქვთ, მაგრამ ეს იდეა იმდენად მოგეწონათ, რომ ცდად მაინც გიღირთ, დაუყოვნებლივ გაემართეთ მის შესაძენად.

არ არის აუცილებელი დიდი ეზოს ქონა მწვანე ღობისთვის, მისი გაკეთება ოთახშიც შეგიძლიათ. სასურველი ზომის და ფორმის მეტალის ბადე დაამაგრეთ კედელზე და მის ქვეშ ქოთანში ჩარგეთ ხვიარა მცენარე.

თუ მოახერხებთ, რამოდენიმე ფიცარი ისე დახერხოთ და გახვრიტოთ, რომ მათში თოკების გაყრა იყოს შესაძლებელი, საკუთარ სახლში გექნებათ დაკიდული ბაღი.

არსებობს მცენარეების წყალში დარგვის მეთოდიც. ამისთვის საჭიროა მხოლოდ სასურველი ნერგები და წყლით სავსვე გამჭვირვალე ვაზა, რომელსაც ვიწრო ყელი ექნება ფესვგადგმული მცენარის შესაკავებლად. ჩაასხით ჭურჭელში წყალი, მოათავსეთ მცენარე შიგნით და დაელოდეთ მის გაფესვიანებას. ვაზაში შეგიძლიათ ფერადი, დეკორატიული, კენჭების ჩაყრაც.

თუ მზის მოყვარული ყვავილებისთვის აივანზე ადგილი აღარ გრჩებათ, მარტივად და კრეატიულად შეგიძლიათ გადაჭრათ ეს პრობლემა რომელიმე, თუნდაც სამზარეულოს, ფანჯარაზე ყვავილების დაკიდებით. ამისთვის დაგჭირდებათ ჯოხი და თოკი. ჯოხს დაამაგრებთ ფანჯრებს შორის, ხოლო თოკით ამ ჯოხზე დაკიდებთ ქოთნებს, რის შედეგადაც ფანჯარა ულამაზეს ყვავილნარად გადაიქცევა.

არ გადაყაროთ თქვენს სარდაფში შემორჩენილი ღვინის ხის ყუთები, მათი გამოყენება ბაღების და ვერანდების მოსაწყობად შეგიძლიათ. გაავსეთ ისინი მიწით და ჩარგეთ სხვადასხვა ზომის მცენარეები. მრავალფეროვნებისთვის შეგიძლიათ ყუთები ფერადი საღებავებით შეღებოთ.

დიდი ზომის ციტრუსი გაჭერით შუაზე, ამოაცალეთ შიგთავსი და ჩაყრილ მიწაში დათესეთ მცენარე. როდესაც თესლი გაღვივდება და მცენარე ამოსვლას დაიწყებს, გადაიტანეთ ის ბაღში და დათესეთ მისი ქვედა ნაწილი ციტრუსის ქერქიანად. ქერქი მიწაში მალევე გაიხრწნება და თქვენი ნერგი ადვილად გაიხარებს.

ყვავილების მორწყვა შესაძლებელია იმ შემთხვევაშიც, როცა სახლში არ იმყოფებით. მოახვიეთ გრძელი ქაღალდის ხელსახოცი მცენარის ძირს და ჩადეთ მისი მეორე ბოლო წყლიან ჭურჭელში. ქაღალდი ნელნელა მიაწვდის წყალს მცენარეს და სახლში დაბრუნებულებს, ის გამხმარი არ დაგხვდებათ.

ლივოს ბლოგი

livo.ge - უძრავი ქონების პლატფორმა

აირჩიე ანგარიშის ტიპი

ფიზიკური პირის რეგისტრაცია