ზამთარში ჯანმრთელობისა და სიჯანსაღის შენარჩუნება როგორც ადამიანებისთვის, ასევე მცენარეებისთვისაც განსაკუთრეული პირობების შექმნას გულისხმობს. ისევე, როგორც ჩვენ გვჭირდება ვიტამინები, კანის სიმშრალისგან დაცვა და სხვა, ასევე სჭირდებათ ჩვენს მწავე მეგობრებს მათზე მორგებული ზრუნვის გრაფიკი. სწორედ ამიტომ, ამ ბლოგში, იმ საბაზისო რჩევებს მოგაწვდით, რომლებიც სახლის ყვავილებს ზამთრის მარტივად გადაგორებაში დაეხმარება:

ზამთარში მზე უფრო ნაკლებად სტუმრობს ჩვენი სახლის ფანჯრებს და მაშინაც კი, როცა მზის სხივი ჩვენს ოთახებში შემოაღწევს, სინათლის ინტენსივობა, წელიწადის სხვა დროებთან მიმართებით, 50%-ითაა შემცირებული. სახლის მცენარეები, რომლებიც გაზაფხულსა და ზაფხულში მზიანი აღმოსავლეთის ან ჩრდილოეთის ფანჯრებზე ბინადრობენ, შესაძლოა ზამთარში სამხრეთით ან დასავლეთით გადაადგილებას საჭიროებდნენ.

ხოლო, იმ მცენარეებმა, რომლებიც ზოგადად დასავლეთით ან სამხრეთით მდებარე ფანჯრებთან, თუმცა მზის არაპირდაპირი ნათების ქვეშ გყავთ განთავსებული, ზამთარში შესაძლოა მზის პირდაპირ ნათებასაც გაუძლონ.

საერთო ჯამში, იმისთვის, რომ ყვავილები ზამთრის სინათლის ცვალებად დონეებს გაუმკლავდნენ, საჭიროა რამდენიმე მარტივი რამ გაითვალისწინოთ:

დააწყვეთ ისინი ნათელ ფანჯარებთან შეძლებისდაგვარად ახლოს;
ხშირად გაწმინდეთ ფანჯრები, რათა ოთახში სინათღლე მაქსიმალურად შემოვიდეს;
მცენარეები გაწმინდეთ მტვერისაგან, რათა ფოთლებმა არსებული სინათლე ბოლომდე შეიწოვონ;
დაამატეთ ხელოვნური (ფლუერესცენტული) განათება.

როგორც წესი, სახლის ყვავილების უმეტესობა ტროპიკული მცენარეების წარმომადგენლები არიან და მათთვის მისაღები ტემპერატურა დღის განმავლობაში 20-25 გრადუსია, ხოლო ღამით 10-15 გრადუსი. ბევრი ყვავილისთვის, 10 გრადუსზე ნაკლები ტემპერატურის პირობები, ხშირად, საზიანოა. ამიტომაც, მნიშვნელოვანია სახლში გვქონდეს თერმოსტატი და მუდმივად ვაკონტროლოთ ოთახის ტემპერატურა.

უფრო ზუსტად კი:

თუ თქვენი ფანჯრები ღამღამობით იყინება, შებინდებისას ყვავილები მოაშორეთ ფანჯრებს;
მოარიდეთ მცენარეები გათბობის რადიატორებსა და სხვა მაღალი ტემპერატურის გამომყოფ მოწყობილობებს.

ზამთარში, მაშინ, როცა სახლი მუდმივად ხელოვნური თბობის რეჟიმშია, ოთახების ფარდობითი ტენიანობა მხოლოდ 5-10%-ია. სახლის მცენარეებს კი 40-50%-იანი ტენიანობა სჭირდებათ. ნიშნები იმისა, რომ ყვავილები ტენიანობის ნაკლებობით გამოწვეულ სტრესს განიცდიან, შესაძლოა გამოიხატებოდეს ფოთლის წვეტის გაყავისფრებითა და ისეთი მავნებლების აღმოჩენით, როგორიცაა ობობის ტკიპა. იმისათვის, რომ სახლში ტენიანობის სასურველ ნიშნულს მივაღწიოთ, ალბათ, ყველაზე მარტივი გზაა ჰაერის დამატენიანებლის შეძენა და იმ ოთახში განთავსება, სადაც თქვენი მცენარეები ბინადრობენ.

ყველაზე გავრცელებული პრობლემა, რომლითაც ზამთარში ყვავილები იტანჯებიან ზედმეტი მორწყვაა. თუმცა, ამ პრობლემის აღმოჩენისთანავე იბადება ერთი ძალიან მნიშვნელოვანი კითხვა: როგორ გავიგოთ სჭირდება თუ არა მცენარეს წყალი?

ზამთარში ნიადაგის სიმშრალის დასადგენად, მიწის ზედაპირის შემოწება საკმარისი სულაც არ არის. ვინაიდან, მცენარეს წყალი მხოლოდ მაშინ სჭირდება, როცა მისი ფესვების ზონაა მშრალი. ამიტომაც, მოათავსეთ თითი ნიადაგში 4-5 სანტიმეტრის სიღრმეზე და თუ მიწა მშრალია, მორწყეთ ყვავილი;
დაიმახსოვრეთ ქოთნის სიმძიმე მაშინ, როცა ყვავილი ახალი მორწყულია. გამომშრალი ნიადაგი ბევრად უფრო მსუბუქია, ვიდრე - ნოტიო. ამიტომაც, თუ ყვავილის სიმძიმეს მორწყვისთანავე შეგრძნებითად დაიმახსოვრებთ, ეს მარტივი გზა გახდება იმისათვის, რომ მშრალი ნიადაგი აღმოაჩინოთ;
თუ ზამთარში ოთახების ტენიანობას ინარჩუნებთ, მაშინ ყვავილებს ნაკლები მორწყვა დასჭირდებათ. გახსოვდეთ, რომ პირველ რიგში, მშრალი ჰაერი იწვევს მორწყვის საჭიროებას.
ქოთნის ციტრუსები და გვიმრა არიან იმ მცენარეებს შორის, რომლებიც მუდმივად ტენიან ნიადაგს საჭიროებენ. ყოველთვის მოიძიეთ ინფორმაცია მცენარის ტენიანობის შესახებ, თუ დარწმუნებული არ ხართ, რომ ზუსტ ინფორმაციას ფლობთ.

როგორც ადამიანს ვიტამინი, ისევე სჭირდება მცენარეს სასუქი. ზომიერი კლიმატის პირობებში, გააგრძელეთ მცენარისთვის სასუქის მიცემა ზამთარშიც. ყველაზე ცივი კლიმატის პირობებში, სადაც ზამთარში ბუნებრივი განათების დონე მცირეა, მცენარეს სასუქი არ სჭირდება. ხოლო იმ შემთავხვევაში, თუ მცენარე აივანზე ან ეზოში იმყოფება, მისთვის სასუქის მიცემა, სასურველია, გაზაფხულზე განაახლოთ.

სახლის მცენარეების უმეტესობისთვის, გადარგვა აქტიური ზრდის პერიოდში - გაზაფხულსა და ზაფხულშია ოპტიმალური. თუმცა, გამონაკლისია ქოთნის მერქანიანი მცენარეები, რომლებიც ზამთარში სრული ძილის სტადიაში არიან. მათი გადარგვა სასურველია ადრეულ გაზაფხულზე მანამ, სანამ ყვავილი კვირტს გამოიღებს.

სესხის კალკულატორი