კორონავირუსის გავრცელებასთან ერთად, უფრო და უფრო მეტი ადამიანი ეძებს საცხოვრებელი ფართის დეზინფექციის გზებს.

უკვე ყველამ ვიცით, როგორი მნიშვნელოვანია ხელების ზედმიწევნით დაბანა ადამიანებთან ახლო კონტაქტის შემდეგ, მაგრამ ასევე არანაკლებ მნიშვნელოვანია საკუთარი სახლის დეზინფექცია, რათა დავიცვათ როგორც საკუთარი თავი, ისე ოჯახის წევრები.

კორონავირუსი ვრცელდება რესპირატორული წვეთების საშუალებით. ამასთანავე, დაავადებათა კონტროლის ცენტრი ვარაუდობს, რომ ვირუსი შესაძლებელია რამდენიმე საათი ცოცხლობდეს სხვადასხვა ნივთის ზედაპირზე, სწორედ ამიტომ, უკიდურესად მნიშვნელოვანია საცხოვრებელი ფართის დეზინფექცია.

აქ თავმოყრილია რეკომენდაციები, რასაც მსოფლიო დაავადებათა კონტროლის ცენტრი გვთავაზობს კორონავირუსისგან თავის დაცვის მიზნით:

წმენდა ათავისუფლებს სხვადასხვა ზედაპირს მიკრობებისგან, დეზინფექცია კი - კლავს ზედაპირზევე. ორივე ქმედებას შეუძლია მნიშვნელოვნად შეამციროს ინფექციის გავრცელების რისკი, მაგრამ სასურველია, ჯერ გაიწმინდოს და შემდეგ მოხდეს დეზინფექცია.

არ დაგავიწყდეთ, კარგად წაიკითხოთ სადეზინფექციო საშუალებების გამოყენების ინსტრუქცია, რადგან ზოგი მათგანი საჭიროა გავაჩეროთ ზედაპირზე სველ მდგომარეობაში 2-დან 10 წუთამდე.

გაწმიდეთ მაგიდები, კარის სახელურები, დენის ჩამრთველები...

დეზინფექციისთვის გამოიყენეთ საყოფაცხოვრებო სადეზინფექციო საშუალებები ან საოჯახო განზავებული ხსნარები, რომლებიც შეიცავენ 70%-ზე მეტ სპირტს.

ასევე დაავადებათა კონტროლის ცენტრი გვირჩევს, რომ გამოვიყენოთ მათეთრებელი საშუალებები სახლის პირობებში სადეზინფექციო ხსნარების შესაქმნელად.

გავხსნათ 4 ან 5 ჩაის კოვზი მათეთრებელი საშუალება 1 ლიტრ წყალში და მიღებული ხსნარი გამოვიყენოთ სადეზინფექციოდ.

დეზინფექციის დროს გამოიყენეთ ერთჯერადი ხელთათმანები და გადააგდეთ დასრულებისთანავე. მრავალჯერადი ხელთათმანების შემთხვევაში - ისინი აღარ გამოიყენოთ სხვა მიზნისთვის. ხელთათმანები გაიხადეთ შიგნიდან გარეთ და სხეულთან ახლოს აღარ მიიტანოთ.

სასურველია, არ დაფერთხოთ გასარეცხი ტანსაცმელი, რადგან მასზე ვირუსის არსებობის შემთხვევაში, გავრცელებას შეუწყობთ ხელს. გასარეცხად გამოიყენეთ მაქსიმალურად თბილი წყალი და დაელოდეთ ტანსაცმლის მთლიანად გაშრობას.

აუცილებელია იმ ტომარის დეზინფექციაც, რომელშიც გარეცხვამდე მოთავსებული იყო ტანსაცმელი.

ტელეფონებს და ტაბლეტებს დაავადებათა კონტროლის ცენტრი უწოდებს „მაღალი შეხების“ ზედაპირებს.

მათ გასაწმენდად არ გამოიყენოთ იგივე სადეზინფექციო საშუალებები, რაც ზემოთ ვახსენეთ, რადგან იგივე ხსნარებმა შესაძლოა გამოიწვიოს ელექტრონული მოწყობილობების დაზიანება.

სანაცვლოდ, გამორთული ტექნიკა გაწმინდეთ საპნიან წყალში დასველებული ნაჭრით.

გვახსოვდეს, თუ გავითვალისწინებთ ყველა რეკომენდაციას, ამით ხელს შევუშლით ვირუსის გავრცელებას და მალე გამოვალთ კრიზისული სიტუაციიდან.

წყარო: Business Insider