ზოგადი სტატისტიკა

TBC Capital-ის უძრავი ქონების კვლევის მიხედვით, 2019 წლის მესამე კვარტალში თბილისში, 8 204 ბინა გაიყიდა. ეს მაჩვენებელი ჩამორჩება მეორე კვარტალში გაყიდული ბინების რაოდენობას (8 941). ამასთან, 8 204 გაყიდული ბინა საგრძნობლად ჩამორჩება წინა წლის ანალოგიურ პერიოდს, როდესაც 9 134 ბინა გაიყიდა. საერთო ჯამში, 2019 წლის მესამე კვარტალში გაყიდულმა ბინებმა 550 571მ² შეადგინა.

ახალი აშენებული ბინები

საინტერესოა გაყიდული ბინების მდგომარეობაც. 2019 მესამე კვარტალში გაყიდული ბინების ძირითადი ნაწილი ახალაშენებულ ბინებზე მოდიოდა - 5 022. ახალი აშენებული ბინები ყველაზე მეტად საბურთალოსა და დიდ დიღომშია პოპულარული. ხოლო ფასის მხრივ, ახალი აშენებული ბინები ყველაზე ძვირად ვაკესა და მთაწმინდაზე იყიდება, სადაც კვადრატული ფასი 3 000 ლარამდეც ადის.

ძველი აშენებული ბინები

2019 წლის მესამე კვარტალში თბილისში 3 182 ძველი აშენებული ბინა გაიყიდა. ძველ აშენებულ ბინებზე ყველაზე დიდი მოთხოვნა გლდანსა და სამგორშია, ხოლო ფასის მხრივ, ძველ აშენებული ბინებიც ყველაზე ძვირი ვაკესა და მთაწმინდაზე, კვადრატულის ფასით - 2500 ლარამდე.

გაყიდვები უბნების მიხედვით

გაყიდვების მხრივ, ტოპ სამი უბანია: საბურთალო, დიდი დიღომი და გლდანი. 2019 წლის მესამე კვარტალში საბურთალოზე 1600-ზე მეტი ბინა გაიყიდა, საიდანაც უმრავლესობა ახალი აშენებული იყო. დაახლოებით იგივე მდგომარეობაა დიდ დიღომშიც. ხოლო გლდანში, მოთხოვნა როგორც ახალ, ისე ძველ აშენებულზე ბინებზე თანაბრადაა.

ბინების ფასები უბნების მიხედვით

საერთო ჯამში, 2019 წლის მესამე კვარტალში, ბინის ფასებმა ლარში მოიმატა, ხოლო დოლარში დაეცა, რაც ლარის კურის ცვლილებითაა განპირობებული. წინა წლების მსგავსად, ყველაზე ძვირადღირებული უბნები კვალავაც ვაკე, მთაწმინდა (1მ² - 1000$-მდე) და საბურთალოა (1მ² - 900$-მდე). ყველაზე დაბალ ფასად კი ბინის შეძენა დიდ დიღომში, გლდანსა და სამგორშია შესაძლებელია, ამ უბნებში კვადრატული ფასი 600$-დან 800$-მდე მერყეობს.

იპოთეკური სესხები

საინტერესოა უძრავი ქონების სექტორში არსებული იპოთეკური სესხების სტატისტიკაც. 2019 წელს, იპოთეკური სესხებით შეძენილი ბინების რაოდენობა მკვეთრად დაბალია წინა წლებთან შედარებით. პირველ კვარტალში შეძენილი ბინების მხოლოდ 30% იყო იპოთეკური სესხების წილი, მეორე კვარტალში ეს მაჩვენებლი 45%-მდე გაიზარდა, ხოლო მესამე ნახევარში იპოთეკური სესხით შეძენილმა ბინების რაოდენობამ 40%-ს მიაღწია.

წყარო: TBC Capital-ის უძრავი ქონების კვლევა