დახურვა
TNET

ყველაზე დიდი ტექნოლოგიური ეკოსისტემა, რომელიც აერთიანებს 10 პლატფორმას:

myAuto
myHome
myMarket
myParts
vendoo
swoop
tkt
livo
saba
myshop
superApp

3D ფოტოგრაფია და უძრავი ქონება

გაზიარება
დამატების თარიღი: 7 დეკემბერი, 2022

ფოტოგრაფიამ საკმაოდ დიდი გზა გაიარა თავისი არც ისე დიდხნიანი ისტორიის განმავლობაში. თითქმის 200 წლის განმავლობაში, კამერა ჩვეულებრივი ყუთიდან, რომელიც ბუნდოვან სურათებს ძლივს იღებდა, განვითარდა თანამედროვე მაღალტექნოლოგიურ კამერებსა და სმარტფონებმდე. 

 

დროსთან ერთად, ფოტოაპარატებმა და ფოტოს ხარისხმაც ცვლილება და განვითარება დაიწყო და მივიდა იმ ნიშლულამდე, რომელსაც თანამერდოვე ფოტოგრაფია ჰქვია. ამ სამყაროში კი, ახალი და ძალიან საინტერესო მიმართულება 3D ფოტოგრაფიაა. 



3D ფოტოგრაფია მიზნად ისახავს შექმნას სურათი, რომელიც ადამიანის ხედვის გამეორებას შეძლებს და მაქსიმალურად მიუახლოვდება ჩვენს სენსორულ აღქმას. ამ გზით, იქმნება სურათი, რომელსაც გააჩნია სიღრმე და ამ გზით, ტოვებს შთაბეჭდილებას, თითქოს ჩვენც სწორედ იქ ვართ, სადაც სურათს იღებენ. 

 

სურათები, რომლებიც განსხვავდება 3D-სგან, საგნის ბრტყელ წარმოდგენას ქმნის. რაც ნიშანვს, რომ სტანდარტული ფოტოების გამოსახულებას გააჩნია სიმაღლე და სიგანე, თუმცა არ აქვს სიღრმე. 3D ფოტოგრაფიის ტექნიკები აერთიანებს რამდენიმე სურათს იმისათვის, რომ გამოსახულების სიღრმე მივიღოთ. 

 

ამ მახასიათებლების წყალობით, 3D ფოტოგრაფია სახალისო გზაა ჩვენი საყვარელი მოგონებების გასაცოცხლებად და რაც მთავარია, ბიზნეს სექტორში ბოლო პერიოდში მნიშნელოვანი ატრიბუტი გახდა ისეთი პროდუქტების ვიზუალიზაციისთვის, რომლის რეალური აღქმა მომხმარებლისთვის განსაკუთრებით მნიშვნელოვანია, რათა გადაწყვეტილება მიიღოს.  



ვინაიდან, 3D ფოტოს პირდაპირი მნიშვნელობით შემოტრიალება და ნებისმიერი კუთხით ხილვაა შესაძლებელი, სწორედ ამიტომ, მსგავსი გამოსახულება მაყურებელს პროდუქტთან ინტერაქციის საშუალებას აძლევს. მსგავსი გამოცდილება გვთავაზობს ბევრად მეტ დეტალს და შესაბამისად, უზრუნველყოფს უფრო ზუსტი წარმოდგენების შექმნას რეალური პროდუქტის სხვადასხვა მახასიათებლის შესახებ, რომელიც შესაძლოა იყოს ზომა, ფორმა, ფერი და სხვა. მსგავსი პრაქტიკა ძალიან გვეხმარება მაშინ, როცა სასურველი ნივთის შეძენას ონლაინ ვგეგმავთ. 



გარდა იმისა, რომ 3D ფოტოგრაფია ციფრულად შოპინგს ძალიან ამარტივებს, ეს ტექნიკა ასევე ძალიან გამოსადეგია მათთვის, ვინც უძრავი ქონების სექტორშია ჩაბმული. 

 

უძრავი ქონების მიმართულებით, იქნება ეს სახლი გაქირავება, გაყიდვა, დაგირავება, ყიდვა თუ ქირაობა, 3D გადაღება თანაბრად სასარგებლოა როგორც პროდუქტის გამყიდველისთვის, ასევე მყიდველისთვის. მაშინ, როცა დღევანდელ სამყაროში ბინის მოძიებას ადამიანების 95% ონლაინ, სხვადასხვა ვებგვერდის საშუალებით ცდილობს, 3D გადაღება საშუალებას გვაძლევს სახლიდან გაუსვლელად ისე დავათვალიეროთ სხვადასხვა ბინა, როგორც ადგილზე მისულები ვნახავდით. 

 

ამ გზით, იზოგება ჩვენი დრო და ბევრად უფრო მარტივი მისახვედრია, რეალურად რომელი აპარტამენტი აკმაყოფილებს ჩვენს სუბიექტურ კრიტერიუმებს. რაც მთვარია, მარტივად ვფილტრავთ ისეთ ბინებს თუ კომერციულ ფართებს, რომლებიც არ გამოგვადგება. თავის მხრივ, საქმე უადვილდება მესაკუთრესაც და მისი პროდუქტით დაინტერესებული მომხმარებლების უფრო ზუსტად შერჩეული ნაკადი უკავშირდება, რაც მთავარია, გაზრდილი ოდენობით. 

 

საბოლოო ჯამში, მსგავსი პრაქტიკა ქმნის უკეთეს სამომხმარებლო გამოცდილებას და ამარტივებს ჩვენს ყოველდღიურობას. სწორედ ამიტომ, Livo.ge-მ დაარსების დღიდან გაააქტიურა 3D გადაღების სისტემა და ნებისმიერ ადამიანს, რომელიც Livo-ზე საკუთარი უძრავი ქონების განთავსებას აპირებს, შესაძლებლობა აქვს ისარგებლოს სერვისით და თავისი ბინა, აგარაკი თუ კომერციული ფართი საუკეთესო და რაც მთავარია, რეალური კუთხით წარმოაჩინოს. ყოველწლიურად, Livo-ს 3D გადაღების სერვისით ვებგვერდის ათასობით მომხმარებელი სარგებლობს და ამ გზით კომფორტს უქმნის როგორც საკუთარ თავს, ასევე პროდუქტის შეძენით დაინტერესებულ ადამიანებსაც.


ლივოს ბლოგი

სხვა ბლოგები

ზარის მოთხოვნა
ონლაინ ჩატი
შეფასება