როგორც იქნა, ზაფხულიც კარს მოგვადგა და მასთან ერთად, საზაფხულო აგარაკების ინტერიერის განახლებული ტენდენციებიც. წელს, თამამი და გამოკვეთილი ფერების დაბრუნებასთან ერთად, ინტერიერში ზღვისპირა ატმოსფეროც ჭარბობს. რაც მთავარია, საზაფხულო ხასიათის შექმნა, მცირე დეტალების ცვლილებითა და განახლებითაც შესაძლებელია. ამ ბლოგში, ისეთი საზაფხულო ტენდენციების შესახებ მოგიყვებით, რომლებიც ვფიქრობთ, სამომავლოდაც ძალიან აქტუაური იქნება:
2023 წლის სანაპიროს სტილს, ინტერიერში სიმშვიდის შეგრძნება შემოაქვს. განსაკუთრებული აქცენტი სინათლესა და ღია სივრცეებზე კეთდება. ინტერიერის მსგავს დიზაინი კარგად ითავსებს აგარაკებისათვის დამახასიათებელ ბუნებრივ მასალებს, როგორიცაა ხე, ნაქსოვი ორნამენტები და სხვა. გარდა ამისა, სანაპიროს სტილის შექმნა მარტივადაა შესაძლებელი უბრალო ფერთა სქემის დაცვით, რომელიც ოკეანეს, ქვიშასა და ცას ასახავს:
• მკვეთრი თეთრი;
• ნაზი/რბილი ლურჯი;
• მწვანე;
• ოქროსფერი ქვიშის ტონები;
• ნეიტრალური ფერები.
ამ ფერების გამოყენება შესაძლებელია უმცირეს დეტალებშიც კი, მაგალითად, ისეთში, როგორიცაა საყვავილე, ლარნაკი, ბალიში, მცირე ზომის ხალიჩა და სხვა.
მსგავსი ინტერიერი, ხშირად, სუფთა ხაზებითა და მარტივი, მაგრამ ელეგანტური დიზაინით გამოირჩევა, სადაც მაქსიმალური ყურადღება კომფორტსა და დასვენებას ეთმობა. ამასთან ერთად, საზაფხულო აგარაკებში მაქსიმალური ხასიათის მისაღწევად, საუკეთესო ვარიანტია ისეთი ელემენტების გამოყენება, როგორიცაა:
• ნაქსოვი ნივთები;
• კალათები;
• ბუნებრივი ბოჭკოვანი ფარდაგები;
• მარტივად მოსავლელი ქსოვილები, მაგალითად, ბამბა.
საზაფხულო აგარაკების დეკორაციის 2023 წლის ტრენდი, ასევე, არის ზოლები, რომელიც არასდროს გადადის მოდიდან. რომელი ოთახის მოწყობასაც არ უნდა აპირებდეთ, იქნება ეს სამყოფი ოთახი, საძინებელი, თუ სხვა სივრცე, ზოლიანი ბალიშები, საზაფხულო პლედები თუ ხალიჩები, გაამდიდრებს და საზაფხულო განწყობას შეიტანს თქვენს ინტერიერში. ამასთან ერთად, ნეიტრალური ფერების გამოყენება, აქაც გადამწყვეტ ადგილს იკავებს. ზოლიან დეტალებთან ერთად, რბილი ქსოვილების დამატება კი, ერთიანობისა და სიმყუდროვის განცდას დატოვებს.
2023 წლის შემდეგი ტრენდი კი მკვეთრი ფერების გამოყენებაა. იქნება ეს მზიანი ყვითელი, ძვირფასი მწვანე, თუ ოკეანის ლურჯი, ფერების მოყვარული ინტერიერის დიზაინერები, ამ სეზონზე, ცოცხალი ფერები გამოყენებას გვირჩევენ. ეს ფერები შესანიშნავია ნეიტრალური ოთახების გასაცოცხლებლად, ან საზაფხულო ელფერის შესატანად შედარებით უფრო ფორმალურ სივრცეებში, თუნდაც, ხელოვნების ნიმუშების, ნახატების ან ხალიჩების გამოყენებით.
2023 წლის ზაფხულის ტენდენციების ერთ-ერთი ფავორტია ოტომანის ტიპის დივნების გამოყენება სახლის სხვადასხვა ნაწილში. ოტომანი შესანიშნავია ზაფხულის დეკორაციისთვის, რადგან ნებისმიერ სივრცეს სირბილესა და სიმსუბუქეს ანიჭებს. იგი განსაკუთრებით კარგი ალტერნატივაა, ყავის მაგიდის ჩასანაცვლებლად. იგი შესაძლოა გამოიყენოთ როგორც დამატებითი დასაჯდომი ადგილი, ჟურნალებისა და კალათის განსათავსებელი მაგიდა, ან უბრალოდ ფეხების მოსასვნებელი კომფორტული სივრცე. რაც მთავარია, მათი გადაადგილება მარტივია ოთახიდან ოთახშიც.
ქსოვილების შერევა შესანიშნავი გზაა სტილის, სიღრმისა და სივრცულობის დასამატებლად თქვენს სახლში. ამ ზაფხულში, სავარაუდოა ბევრშრიანი ქსოვილების ხილვა, მაგალითად, ისეთის, როგორიცაა ბამბის ქსოვილები, ხე, სხვა ბუნებრივი მასალები, ნაქსოვი განათება, ჯუთის დიდი ზომის ფარდაგები, რაც უნიკალურ ატმოსფეროს შექმნის ნებისმიერ საზაფხულო აგარაკზე.
როგორც ხედავთ, 2023 წელი მდიდარია საზაფხულო არჩევანსა და შესაძლებლობებში. სწორედ ამიტომ, განსაკუთრებით მარტივია იპოვოთ თქვენთვის სასურველი დიზაინის ელემენტები და საზაფხულო აგარაკს როგორც მთაში, ასევე ზღვაზე ან, თუნდაც, ქალაქთან ახლოს მდებარე წერტილში მოარგოთ.
