როგორ შევარჩიოთ კონდიციონერი

გაზაფხულის სეზონის დადგომასთან ერთად, აქტიურდება სამზადისი წელიწადის ყველაზე ცხელი პერიოდის, ზაფხულისთვის. ამ დროს, ყველაზე მნიშვნელოვანია ყურადღებიდან არ გამოგვრჩეს ისეთი დეტალები, როგორიც ჩვენი სახლის საზაფხულო მაღალი ტემპერატურისთვის შემზადებაა. გაუსაძლის სიცხეებთან ბრძოლა კი, საუკეთესოდ კონდიციონერის საშუალებითაა შესაძლებელი. სწორედ ამიტომ, აქ იმ მნიშვნელოვან საკითხებს გაგაცნობთ, რომლებიც კონდიციონერის შერჩევაში დაგეხმარებათ. 

კონდიციონერის ოთხი ძირითადი ტიპი არსებობს: 

დასადგამი კონდიციონერი

დასადგამი, იგივე პორტატული ან მობილური კონდიციონერი გამოირჩევა ხელმისაწვდომი ფასით და არ საჭიროებს მონტაჟს. მისი კომპაქტური ზომისა და ბორბლების წყალობით, კონდიციონერი სახლის ნებისმიერ ოთახში შეგიძლიათ მოათავსოთ. სხვა კონდიციონერის ტიპებისგან განსხვავებით, დასადგამი კონდიციონერი ნაკლებად გამოიყენება ისეთი სივრცეებისთვის, სადაც დიდ დროს ვატარებთ, ვინაიდან გამოირჩევა განსაკუთრებული ხმაურით და მოიხმარს მეტ ენერგიას, ვიდრე სხვა ტიპის კონდიციონერები. 

კედლის კონდიციონერი 

დასადგამი კონდიცონერის შემდეგ, ფასის მიხედვით, ყველაზე ხელმისაწვდომი კედლის კონდიციონერია, რომელიც, როგორც წესი, სახლის გარე კედელზე მაგრდება და მაქსიმუმ, 50-კვ.მ. ფართობის მქონე ოთახის გაგრილება შეუძლია.

კედლის კონდიციონერი სპლიტ-სისტმებით

სპლიტ-სისტემის კონდიციონერებს ორი ნაწილი აქვთ - შიდა ბლოკი, რომელიც მილებითაა დაკავშირებული და გარე კომპრესორი. როგორც წესი, სპლიტ-სისტემის კონდიციონერს ერთი ან მეტი ოთახის გაგრილება შეუძლია. მისი მაქსიმალური სიმძლავრე, დაახლოებით, 60 კვადრატულ მეტრამდე ფართობს ფარავს. თანამედროვე სამყაროში, სპლიტ-სისტემის მქონე კონდიციონერი ყველაზე ოპტიმალური ვარიანტი და გაგრილების სისტემების გაყიდვების ბესტსელერია. 

ცენტრალური საჰაერო კონდიციონერი

ცენტრალურ საჰაერო სისტემაში დამონტაჟებული კონდიცირების სისტემა ერთ-ერთი ყველაზე ძვირადღირებული გაგრილების საშუალებაა, რომელიც უმეტესად, ან ძალიან დიდი ზომის სახლებში, ან მხოლოდ ოფისებში თუ შეგხვდებათ. მისი სისტემა ცენტრალური განყოფილებისგანაა შედგენილი, რომელიც თითოეულ ოთახში სხვადასხვა არხებითაა დაკავშირებული საჰაერო გასასვლელებსა და სენსორებთან. მსგავსი კონდეცირების ტიპი მართვის პანელის საშუალებით კონტროლდება, რომელიც საშუალებას გაძლევთ სასურველი ტემპერატურა დააყენოთ და სახლისა თუ ოფისის ის ზონები მონიშნოთ, რომელთა გაგრილება ან გათბობაც გსურთ.

​​

მას შემდეგ, რაც კონდიციონერის ტიპებს გაეცნობით, ასევე ისიც უნდა განსაზღვროთ, ინვერტროული კონდიციონერი გსურთ, თუ არა ინვერტორული. გარდა ამისა, იმაზეც დაფიქრდით მხოლოდ გაგრილების სისტემით აღჭურვილი სისტემაა თქვენი მიზანი, თუ გათბობის ფუნციაც მნიშვნელოვანია. 

ინვერტორული კონდიცონერი 

სპლიტ-სისტემის უმეტესობა ინვერტორული მოდელებია და კომპრესორის სიჩქარეს თავად არეგულირებენ, რაც იმას ნიშნავს, რომ კონდიციონერის გარე ჰანყოფილებაში მოთავსებულ კომპრესორს არ სჭირდება მუდმივი ჩართვა და გამორთვა - ის საჭიროებისამებრ თავად ჩქარდება ან პირიქით, ანელებს მუშაობის სიმძლავრეს. ამ თვისების გამო, კონდიციონერი 40-60%-ით ნაკლებ ელექტროენერგიას მოიხმარს, რაც იმას ნიშნავს, რომ ინვერტორული კონდიციონერი საკმაოდ ეფექტური და იაფი გაგრილების საშუალებაა.

არაინვერტორული კონდიციონერი

არაინვერტორული კონდიციონერი ასევე ცნობილია, როგორც სტანდარტული კონდიციონერი. მისი გარე ბლოკში მოთავსებული კომპრესორი ან სრულად გამორთულია ან ჩართულია სრული სიმძლავრით. მსგავსი ტიპის კონდიციონერის შეძენა შესაძლოა უფრო დაბალბიუჯეტთან იყოს დაკავშირებული, თუმცა მოხმარებისას, ინვერტორულთან შედარებით, გაცილებით მეტ ელექტროენერგიას მოიხმარენ. 

გარდა ამისა, კონდიციონერის შეძენის დროს ყურადღება მის სიმძლავრესაც უნდა მიაქციოთ, ვინაიდან სხვადასხვა ფართობის ოთახს, სხვადასხა სიმძლავრის კონდიციონერი სჭირდება, რათა სისტემამ ოთახის გაგრილება შეძლოს. ამისათვის, საჭიროა გაითვალისწინოთ:

• ოთახის ფართობი; 
• ოთახის მდებარეობა; 
• ჭერის სიმაღლე;
• მინის ფანჯრებისა და კარების რაოდენობა; 
• ოთახის ინსულაციის დონე.  

როგორც წესი, გარდა ამ კრიტერიუმებისა, უხეშად რომ ვთქვათ, კონდიციონერის 100 ვატი სიმძლავრე 1 კვადრატული მეტრის გასაგრილებლადაა საჭირო. ამის გათვალისწინებით, მაგალითად 30 კვადრატული მეტრი ფართობის ოთახისთვის 3 კილო ვატი სიმძლავრე იქნება საჭირო. 

რაც მთავარია, არ დაგავწიყდეთ იმ ფუნქციების გარკვევა, რომლითაც თქვენ მიერ შერჩეული კონდიცინერია აღჭურვილი. მათ შორის, ყველაზე მნშვნელოვანი ფუნქციებია: 

ვენტილატორის სიჩქარე

მნიშვნელოვანია, რომ შერჩეულ კონდიციონერს ვენტილატორის სიჩქარის ფართო დიაპაზონი ჰქონდეს, რომელიც უნდა იწყებოდეს ძალიან მაღლიდან, რათა მარტივად და სწრაფად გააგრილოს ოთახი და უნდა ჩამოდიოდეს ძალიან დაბალ ტემპერატურაზე, რათა ოთახში სასურველი ეფექტის მიღების შემდეგ, შეძლოთ კონდიციონერის დაბალი სიჩქარეზე მომართვა და შეამციროთ დანადგარის მიერ გამოწვეული ხმაური. 



თერმოსტატი

თერმოსტატი თქვენს კონდიციონერს საშუალებას აძლევს ოთახში სამიზნე ტემპერატურა შექმნას. როგორც წესი, თქვენ განსაზღვრავთ საჭირო ტემპერატურას და თერმოსტატი კი ზომავს ოთახში არსებულ შიდა ტემოერატურას და შესაბამისად არეგულირებს კონდიციონერის მუშაობას.