დახურვა
TNET

ყველაზე დიდი ტექნოლოგიური ეკოსისტემა, რომელიც აერთიანებს 10 პლატფორმას:

myAuto
myHome
myMarket
myParts
vendoo
swoop
tkt
livo
saba
myjobs
superApp

რა უნდა გაითვალისწინოთ, თუ ბინის ქირაობას აპირებთ

გაზიარება
დამატების თარიღი: 17 ივლისი, 2023

სახლის ქირაობისას, ჩვენს საჭიროებებსა და სურვილებზე მორგებული ბინის პოვნა ძალიან საპასუხისმგებლო და საყურადღებო პროცესია. ერთი შეხედვით, განვითარებული ტექნოლოგიების წყალობით, შესაძლოა ძალიან მარტივიც კი მოგვეჩვენოს ისეთი ფართის პოვნა, რომელიც კომფორტულიც იქნება და ჩვენს ფინანსურ შესაძლებლობებსაც დააკმაყოფილებს, თუმცა რეალურად, უამრავი დეტალია, რომელიც ბინის შერჩევისას უნდა გავითვალისწინოთ. ამ ბლოგში, იმ ყველაზე მნიშვნელოვანი საკითხების შესახებ მოგითხრობთ, რომლებზეც წინასწარ უნდა იფიქროთ:  



ბინებზე გაცხარებული ნადირობის დაწყებამდე, საქმის გასამარტივებლად კარგი გზაა ქალაქის რუკის ფიზიკურად ამოეჭდვა, ან ციფრული მონიშვნებით სარგებლობა, რათა ჩვენთვის ყველაზე მნიშვნელოვანი და ხშირად მისასვლელ-მოსასვლელი ლოკაციები მკაფიოდ აღვნიშნოთ. ასეთი ადგილი შეიძლება იყოს სამსახური, ფიტნეს დარბაზი, ახლო მეგობრის საცხოვრებელი სახლი, პარკი, სადაც შინაურ ცხოველს ვასეირნებთ და სხვა. შესაბამისად, საჭიროა განსაზღვროთ, თქვენთვის ყველაზე მნიშვნელოვანი ლოკაციებიდან რა მანძილით დაშორება ან სიახლოვეა ოპტიმალური.  


სრული ღირებულება


მნიშვნელოვანია, რეალისტურად დაითვალოთ ყოველთვიური ხარჯები და არა მხოლოდ ის ფიქსირებული თანხა, რომელიც სახლის მეპატრონეს თვეში ერთხელ უნდა მიაწოდოთ. იმისათვის, რომ ბინის ქირაობისა და შენახვისათვის საჭირო სრული ხარჯის გაგება შეძლოთ, მნიშვნელოვანია გაითვალისწინოთ ბინის საშუალო კვადრატულობა და შესაბამისად, ის კომუნალური გადასახადები, რომლებიც მისი ქირაობისას დაგემატებათ. ასევე, თუ ავტომობილი გყავთ, საპარკინგე სივრცი ქირაობის ხარჯი, რომელიც როგორც წესი, ცალკე ქირავდება. 


მოქნილი მდებარეობა 


მოქნილობა, ხშირად, ყურადღების მიღმა რჩება, როცა ადამიანები სახლის ქირაობაზე იწყებენ ფიქრს. შესაძლოა, შერჩეული ბინა მართლად ძალიან ლამაზი და მყუდრო იყოს, თუმცა თუ ხილ-ბოსტენულის მაღაზიამდე 15 წუთი გესაჭიროებათ ან, თუ საზოგადოებრივი ტრანსპორტის უახლოესი გაჩერება 20 წუთის სავალზეა, მაშინ გირჩევთ ძებნა განაგრძოთ, ვინაიდან ვერანაირი შიდა კომფორტი შეგიცვლით იმ დისკომფორტს, რასაც მოუქნელი მდებარეობა გამოიწვევს. რაც მთავარია, არ დაავიწყდეს საცობების გათვალისწინება, იმის განსასაზღვრად, თუ რა დრო დაგჭირდებათ სახლიდან სამსახურამდე ან სასწავლებლამდე მიმსასვლელად, ყველაზე კარგი გზაა ესტუმროთ ბინის ლოკაციას დილით და საღამოს და შესაბამისად გამოითვალოთ გადაადგილების დრო. 



გამართული და კომფორტული სამზარეულო და სააბაზანო ერთ-ერთი გადამწყვეტი ფაქტორია, რომელსაც ბინის სარფიანად გაყიდვა და გაქირავება შეუძლია. ამიტომაც, როდესაც დამქირავებლის პოზიციაში ხართ, ყურადღება მიაქციეთ რამდენად გამართულად მუშაობს სანტექნიკა, რამდენად სრულადაა აღჭურვილი სამზარეულო სხვადასხვა მოწყობილობით. საჭიროების შემთხვევაში, არ მოერიდოთ კითხვების დასმასაც. 



როგორც წესი, საქართველოში ავეჯით გაწყობილი სახლები ქირავდება, თუმცა ამ დროსაც კი მნიშვნელოვანია რამდენად შეესაბამება მეპატრონის მიერ დხვედრებული ავეჯი თქვენ მოთხოვნებსა და ბინის ღირებულებას. სანამ საბოლოო გადაწყვეტილებას მიიღებთ, არ დაგავიწყდეთ შეამოწმოთ მატრასის მდგომარეობა, ასევე სავარძლები და ამა თუ იმ ავეჯის გამართული ფუნქციონირება. 



სხვა ბლოგები

ზარის მოთხოვნა
ონლაინ ჩატი
შეფასება