დახურვა
TNET

ყველაზე დიდი ტექნოლოგიური ეკოსისტემა, რომელიც აერთიანებს 10 პლატფორმას:

myAuto
myHome
myMarket
myParts
vendoo
swoop
tkt
livo
saba
myshop
superApp

აივნის ბაღის გაშენების მეთოდები და რჩევები

გაზიარება
დამატების თარიღი: 25 მაისი, 2020

ყველას არ აქვს საკმარისი სივრცე სრულყოფილი ბაღის გასაშენებლად, მაგრამ დიდ ქალაქში, ბინაში ცხოვრების მიუხედავად, აივანზეც შესაძლებელია მწვანილების და ბოსტნეულის მოყვანა. საკუთარი პატარა ბაღი ბევრ სიახლეს შემოიტანს თქვენს ცხოვრებაში: ლამაზი გარემო, ჯანსაღი პროდუქტები, მცენარეების მოვლის სარელაქსაციო ფუნქცია და ა.შ.

ქვემოთ თქვენ გაეცნობით აივნის ბაღის გაშენების სწრაფ და მარტივ მეთოდებს.




კიტრი, პომიდორი, წიწაკა, მწვანილები: ნიახური, ქინძი, სალათის ფოთოლი, ოხრახუში, რეჰანი და ა.შ., ბროკოლი, პიტნა, ლავანდა, ტარხუნა, ბოლოკი, ხახვი, ნიორი.



დაწყებამდე გაითვალისწინეთ, რომ უმჯობესია ქოთნებში ახლად დათესილი მცენარეები, სანამ მიწის ზემოთ ამოიზრდებიან, ოთახის ტემპერატურაზე შეინახოთ. ყვავილოვან მცენარეებს ყველაზე მეტად მზის სხივებით გამოკვება ჭირდება, ამიტომ ისინი აივნის ყველაზე ნათელ მხარეს მოათავსეთ. მწვანილებს და ფესვოვან მცენარეებს, რომლებიც ნაყოფს მიწის ქვეშ ისხავენ, შეგიძლიათ ჩრდილის მხარეც არგუნოთ.




გაზომეთ, რამდენ ხანს ადგას თქვენს აივანს მზის სხივები.

6 ან მეტი საათით მზის სხივები აივანზე სრულ მზიანობად ითვლება. ასეთ დროს მებაღე იღბლიანია და ბევრი სხვადასხვა მცენარის მოყვანა შეუძლია. 3-დან 6 საათამდე  - ნაწილობრივი მზიანობაა და 3 საათზე ნაკლები -  უკვე ჩრდილად ითვლება. https://www.amazon.com/Luster-Leaf-1875-Rapitest-Calculator/dp/B002XZLLXU მოცემული ხელსაწყოთი შეგიძლიათ გაზომოთ თქვენი აივანის მზიანი საათები, ასევე თესლებს შესაფუთ ქაღალდზე მითითებული აქვთ, რამდენი საათი ესაჭიროებათ მზე და ამის მიხედვით ძალიან მარტივია დასხივების საკითხების მოგვარება.




ბაღის გაშენებამდე განსაზღვრეთ, მისი მოვლისთვის რა დროის დათმობა შეგიძლიათ. მაგალითად მზიან აივანზე ზოგ მცენარეს დღეში 2-ჯერ მორწყვა ჭირდება. დაფიქრდით, რამდენად გაქვთ დრო და რამდენად ხართ მზად ამისთვის.




მცენარის თესლები და ნერგები;

სხვადასხვა ზომის ქოთნები;

ჯოხები მცენარეების შესაყუდებლად;

ხელთათმანები;

დასაკიდი კალათები, თუ სივრცე არ გყოფნით და გჭირდებად დამატებითი ადგილი ქოთნებისთვის;

ხელის ნიჩაბი მიწის სათხრელად;

სარწყავი ჭურჭელი;

მიწა;

სასუქი.




დაალაგეთ და მოაწესრიგეთ ქოთნები მანამდე, სანამ მორწყავთ, რადგან წყლით დამძიმებული რთული გადასაადგილებელი ხდება.

მიწაში ისეთ სიღრმეზე ჩარგეთ თესლები  და ნერგები, რა სიღრმეზეც რეკომენდირებულია და მითითებულია თესლის შეფუთვაზე. ნერგებს მეტი სიმყარისთვის გარშემო დაამატეთ მიწა. მორწყეთ მიწა იქამდე სანამ სრულიად არ დატენიანდება, თუმცა ზედმეტიც არ უნდა მოგივიდეთ.


აივნის ბაღის გაშენების უამრავი იდეა არსებობს. გთავაზობთ რამდენიმე მათგანს:




აივნის ბაღის გაშენების ეს იდეა ამტკიცებს, რომ შეგიძლიათ  პატარა სივრცეში გაზარდოთ ბევრი სახეობის სამზარეულოს ინგრედიენტები და ერთი ხელის გაწვდენაზე გქონდეთ სასურველი მწნავილები და ბოსტნეული. თაროების გაკეთებამდე აუცილებლად შეამოწმეთ ხის მასალა მცენარეებისთვის საზიანო ნივთიერებას ხომ არ შეიცავს. ამის შემდეგ დაიწყეთ თესვა და წყლის გასასვლელად, თაროებს გაუკეთეთ თითო ხვრელი.  




კედელზე დაკიდული ან თაროზე დალაგებული ფერადი ქოთნები თქვენს აივანს მხატვრულ ელფერს შესძენს. შეგიძლიად ქოთნის ფერი მცენარის ან მისი ნაყოფის ფერს შეუსაბამოთ და თქვენი ბაღი ხელოვნების ნიმუშად აქციოთ.




ხის პალეტზე მცენარეების მოშენება სულ უფრო და უფრო პოპულარული ხდება. შემოახვიეთ ლამაზი ქსოვილი პალეტს გვერდებზე და ძირზე და მიწით გავსების შემდეგ დათესეთ მცენარეები. ცოტა ხნით, სანამ მიწა გამყარდება და ნერგები წამოიზრდება, პალეტი მოათავსეთ ჰორიზონტალურად, ხოლო გამყარების შემდეგ შეგიძლიათ კედელთან ვერტიკალურადა დაამაგროთ და სივრცე დაზოგოთ.




გთავაზობთ ისეთი აივნის ბაღების იდეებსაც, რომლის გაკეთება შეგიძლიათ თქვენთვითონვე სცადოთ:


მრავალსართულიანი ბაღი

http://growingthehomegarden.com/2014/06/how-to-build-raised-multi-leveled-planter-garden-box.html

კუბიკებად დაყოფილი ბაღი

https://removeandreplace.com/2014/04/06/how-to-build-a-square-foot-garden/

მრავალსართულიანი კუთხის ბაღი

https://decorandthedog.net/decorandthedog/2014/7/22/diy-tiered-herb-garden-tutorial


გახსოვდეთ, აივნის ბაღი მოაწყვეთ ისე, რომ თქვენს ქვევით მცხოვრები მეზობელი არ შეაწუხოს ქოთნებიდან ჩამოსულმა წყალმა. საჭიროების შემთხვევაში აიღეთ სახლმმართველის ნებართვა. ქოთნები აივანზე ისე უნდა დაალაგოთ და დაკიდოთ, რომ ძლიერი ქარის დროსაც იყოს უსაფრთხო. გაითვალისწინეთ, მწვანილების და ბოსტნეულის თესლის შეფუთვაზე მითითებული ყველა რჩევა და რაც მთავარია, მზისა და ჩრდილის მოყვარულ მცენარეებს შეურჩიეთ შესაბამისი ადგილი. 


ლივოს ბლოგი


livo.ge - უძრავი ქონების პლატფორმა

სხვა ბლოგები

ზარის მოთხოვნა
ონლაინ ჩატი
შეფასება