Სახლის მცენარეები, რომელსაც ნაკლები მზის სინათლე სჭირდება

გაზიარება
დამატების თარიღი: 20 მაისი, 2022

მზის სხივებითა და სითბოთი განათებული სახლი განსაკუთრებით ლამაზი და ყოველთვის სასიამოვნო განწყობის მატარებელია. თუმცა, ხშირად, სახლის ყველა ნაწილი ერთნაირად ნათელი სულაც არ არის, რაც მცენარეების მოყვარულებს, ზოგჯერ, ნაკლებად ნათელი ოთახების გასამწვანებლად დაბრკოლება ჰგონიათ. ამ ბლოგში, სწორედ იმ მცენარეების შესახებ მოგიყვებით, რომლებიც გასახარებლად ნაკლებ ბუნებრივ სინათლეს საჭიროებენ. 



ბრომელია ტროპიკული მცენარეა, რომელსაც, როგორც წესი, ლამაზი, ფერადი ყვავილი აქვს. უნიკალური ვიზუალური მხარე და ტროპიკული ელფერი მას სახლის საუკეთესო მცენარედ აქცევს. ბრომელიას ჯიშის უმეტესობას ნათელი, თუმცა არაპირდაპირი მზის სინათლე სჭირდება. არაპირდაპირი მზის სინათლე ნიშნავს, რომ ყვავილს მზის სხივი პირდაპირ არ ენათება, თუმცა არც სიბნელე უნდა იყოს. ბრომილიას შემთხვევაში, ყვავილის პირდაპირი მზის სხივის ქვეშ დადებას, დიდი ალბათობით, მისი ფოთლების წვა მოჰყვება. ეს ყვავილი მარტივად შეგიძლიათ გაახაროთ ფლუორესცენციური განათების ქვეშაც, თუ ბუნებრივი განათება ხელმისაწვდომი არ არის. 



ეს მცენარე მრავალი სახელითაა ცნობილი: საკათედრო ტაძრის ფანჯრები, ფარშევანგი ან ზებრა ყვავილი. ეს სახელწოდებები სათავეს მისი ფოთლების ლამაზი ვიზუალიდან იღებს, რომელიც ზოგიერთის თქმით, ფარშევანგის კუდის სილამაზეს გამოხატავს. კალათეას, ნოტიო ტემპერატურა, გამოხდილი ან წვიმის წყალი და ტენიანი (მაგრამ არა ნესტიანი) ნიადაგი „ურჩევნია“. ამ მცენარეს დაბალი და საშუალო სინათლე მოსწონს და შესაძლოა, პირდაპირი და ძლიერი განათების ქვეშ, ფოთლები ქვევითაც კი დაუშვას. რაც მთავარია, შეძენისას დააკვირდით, რომ მცენარეს ყავისფერი ფოთლები არ ჰქონდეს, რადგან მისი გახარება ჯანმრთელ მდგომარეობაში განსაკუთრებით მარტივია. 



ქლოროფიტუმ კომოსუმი, უფრო ხშირად ცნობილი, როგორც „ობობა მცენარე“, გამოირჩევა გრძელი, წვრილი ფოთლებით, რომელიც სათავეს ფესვებიდან იღებს. ამ ყვავილს ხშირად მოიხსენიებენ, როგორც „ობობის სუროსა“ და „ლენტის მცენარეს“. სწორი პირობებისა და მოვლის შემთხვევაში, შეუძლია პატარა თეთრი ყვავილი გამოიღოს, რომლის გადარგვითაც კიდევ ერთი ქლოროფიტუმ კომოსუმის გაზრდაა შესაძლებელი. 

ობობა მცენარეს ნათელი, თუმცა მზის არაპირდაპირი სხივები სჭირდება. ასევე, შეუძლია გაიხაროს ბუნებრივი განათების გარეშეც. ან, ისეთ ადგილებში, სადაც ფლურესცენციური და ბუნებრივი განათება ერთ სივრცეშია მოქცეული. ამ მცენარეს, ზოგჯერ, შესაძლოა ყავისფერი ფოთლები ჰქონდეს, რაც წყალში ფტორის ზემოქმედების შედეგია. გამოხდილი ან წვიმის წყლით მორწყვა დაგეხმარებათ შეაფერხოთ გაყავისფრების პროცესი და შეინარჩუნოთ ყვავილის ლამაზი, ხასხასა მწვანე ფერი. 



ზამიოკულკასი, იგივე ZZ მცენარე, ერთ-ერთი ყველაზე მარტივად გასახარებელი და რთულად გასახმობი ყვავილია. მუდმივად აყვავებული ფოთლები მას საუკეთესო მცენარედ აქცევს ისეთი ადამიანებისთვის, რომლებსაც სახლში სიმწვანის შეტანა მარტივი გზებით სურთ. ზამიოკულასის ფოთლების ცვილისებრი გარეგნული მხარე, მას ბზინვარებას ანიჭებს. ZZ მცენარე დაკავებული ადამიანების საუკეთესო მეგობარია, რომელთაც არც დიდი დრო აქვთ მცენარის მოსავლელად და ამავდროულად, სახლის მცენარეების კოლექციაც სურთ რომ ჰქონდეთ. 

ზამიოკულკასი ყველაზე მეტად ნათელ, არაპირდაპირ შუქზე ხარობს, მაგრამ შეუძლია იცხოვროს ძალიან დაბალ განათებაშიც. მას, ასევე, შეუძლია აიტანოს ის ადგილები, სადაც არ არის ბუნებრივი განათება. ზედმეტად გადანათებულ სივრცეში კი, იღებს მოყვითალო ფერს და „იწყენს“. 


Მცენარეების შეძენის შემდეგ, მნიშვნელოვანია, დააკვირდეთ როგორ რეაგირებენ მათთვის მიჩენილ ახალ სივრცეში განთავსებისას. 

თუ, მცენარეს ფოთლები უმუქდება, უყავისფრდება ან უშრება, ეს ნიშნავს, რომ მზის სხივებისგან ზედმეტად გადანათებულ ადგილას მოხვდა. 

თუ, ფოთლები უფერული და პატარა ზომისაა, ხოლო თავად მცენარე არასაკმარისი ტემპით იზრდება, ეს ნიშნავს, რომ მისთვის შერჩეული სივრცე ძალიან ბნელია და ოთახის უფრო ნათელ მხარეში უნდა მოათავსოთ.


ლივოს ბლოგი

სხვა ბლოგები