ჭკვიანი სახლი ცხოვრების გასამარტივებლად

გაზიარება
დამატების თარიღი: 3 ივნისი, 2022

ტექნოლოგიურმა სიახლეებმა ჩვენს ყოველდღიურ ცხოვრებაში მნიშვნელოვანი ძვრები შეიტანა. ინოვაციური გაჯეტების გამოჩენა და ავტომატიზაცია სახლებსა და ოფისებში განსაკუთრებულ კომფორტს ქმნის. 

ამ ბლოგში ჭკვიანი სახლის შესახებ მოგიყვებით, რომელიც სწორედ ავტომატიზაციის ტექნოლოგიას იყენებს იმისათვის, რომ ჩვენი ცხოვრება მარტივი, კომფორტული და ეფექტური გახადოს. 



ჭკვიანი სახლის ტექნოლოგია გულისხმობს სახლის ელექტრონული მოწყობილობისა და ტექნიკის ერთ ქსელთან დაკავშირებას. 

ამ ქსელთან დაკავშირებით, ელექტრონულ მოწყობილობებს ერთმანეთთან და შენთან კონტაქტი ერთი გაჯეტის, მაგალითად, შენი სმარტფონის მეშვეობით შეუძლიათ. შედეგად, შენი ბინის და მასში განთავსებული ტექნიკის მართვა მაშინაც კი შეგიძლია, როცა სახლში არ ხარ. 



ჭკვიანი სახლის ტექნოლოგიის ყველაზე პოპულარული ასპექტები მოიცავს მუდმივ წვდომას მოწყობილობებზე და უსაფრთხოების კონტროლს. ბინის სრული ავტომატიზაცია ყველაფერს მარტივს და ეფექტურს ხდის. ჭკვიანი სახლის საშუალებით შეგიძლიათ ავტომატურად ჩაკეტოთ კარი სახლიდან გასვლისას და ამავე გზით, გააღოთ დაბრუნებისას. თუ გათბობის ან ღუმელის გამორთვა დაგავიწყდებათ, სმარტფონის აპის საშუალებით ამ პრობლემასაც მოაგვარებთ. რაც მთავარია, ეს სისტემა თქვენი საცხოვრებლის უსაფრთხოებას როგორც შიდა გაუთვალისწინებელი შემთხვევების დროს, ასევე გარედან შეჭრის მცდელობისასაც უზრუნველყოფს. უფრო ზუსტად: 



ერთი ღილაკით ან სმარტფონის აპლიკაციით შეგიძლიათ მრავალი მოწყობილობა ან სისტემა მართოთ. ეს ნიშნავს, რომ მუდმივად აკონტროლებთ გათბობის ქვაბის ტემპერატურას და გამორთავთ ან ჩართავთ განათებას. ამ თვისებების გათვალისწინებით, ჭკვიანი სახლი ერთ-ერთი ყველაზე ეკომეგობრული სისტემაა, რომელიც გარემოზე ზრუნვით, თქვენს ყოველთვიურ ხარჯებსაც ამცირებს. 



ჭკვიანი სახლის სისტემა საშუალებას გაძლევთ ბინაში განთავსებული ელექტრონული მოწყობილობები სახლში ყოფნისას, ოფისში ყოფნისას ან თუნდაც სხვა ქვეყნიდანაც კი მართოთ. თუ ბინისთვის ჭკვიანი სახლის სისტემასთან ერთად, სხვა ჭკვიან მოწყობილობებსაც შეიძენთ, მათი ერთმანეთთან დაკავშირებით, დილის ყავის მომზადება საწოლიდან ადგომის გარეშეც შესაძლებელი გახდება. ჭკვიანი მტვერსასრუტი კი თქვენს არყოფნაშიც კი დაალაგებს სახლს. 



ჭკვიანი სახლის მეშვეობით შესაძლებელია თავიდან ავირიდოთ პოტენციურად უსიამოვნო და არასასურველი მოვლენები. მაგალითად, მარტივადაა შესაძლებელი ჭკვიანი სახლის სისტემა კამერების, კარებისა და ფანჯრების მონიტორინგისთვის გამოიყენოთ. ასევე, სპეციალური სენსორებით შესაძლებელია ისიც კი აკონტროლოთ, წყალმა ხომ არ გაჟონა, სანამ შვებულებას ქალაქგარეთ, ბინისაგან მოშორებით ატარებთ. ასევე, შესაძლებელია გადაამოწმოთ შუქი ანთებული ხომ არ დაგრჩათ ან ტელევიზორი ჩართული. ამ შემთხვევაშიც კი, მათი გამორთვაც აპის დახმარებით უპრობლემოდ მოხერხდება. ჭკვიანი სახლი განსაკუთრებით კომფორტულია მათთვის, ვისაც სახლში პატარები ჰყავს, ვინაიდან მისი ფუნქციონალები კარებისა და ფანჯრების სენსორებსაც კი მოიცავს, რისი მეშვეობითაც მუდმივ რეჟიმში მიიღებთ შეტყობინებას, თუკი ბინის რომელიმე ფანჯარა ან კარი გაიღება. 

 


ლივოს ბლოგი

სხვა ბლოგები