ხარ თუ არა მზად სახლის საყიდლად

გაზიარება
დამატების თარიღი: 29 ოქტომბერი, 2020

გიფიქრია სახლის ყიდვაზე? თუ - კი, მაშინ აუცილებლად დაუსვამდი შენს თავს კითხვას, ხარ თუ არა მზად ამ ნაბიჯის გადასადგმელად. სახლის მეპატრონეობა დიდი ვალდებულებაა, ამიტომ ამ კითხვის დასმა საკუთარ თავთან აუცილებელია.

თუ ზუსტად ახლა ხარ მსგავს სიტუაციაში, ბლოგში მოცემული კითხვები დაგეხმარება, გაიგო, ხარ თუ არა მზად სახლის საყიდლად: 



იმაში დარწმუნება, ფინანსურად მზად ხარ თუ არა სახლის შესაძენად, ყველაზე ჭკვიანური რამ არის რაც შეიძლება გააკეთო პირველ რიგში. სახლის შეძენა გარკვეულ ფინანსურ სტაბილურობას მოითხოვს და ასევე სახლის მოვლაც საკმაოდ დიდ ხარჯებთან არის დაკავშირებული. თუ იპოთეკური სესხის აღებას აპირებ, მაშინ უნდა გქონდეს სტაბილური შემოსავალი, კარგი საკრედიტო ისტორია და არ უნდა გქონდეს ბევრი მიმდინარე სესხი. პირადი დანაზოგის ქონაც ძალიან მნიშვნელოვანია, რადგან დაგეხმარება გადაწყვეტილების უფრო მარტივად მიღებაში.

თუ ზემოთ ჩამოთვლილს ჯერ-ჯერობით ვერ აკმაყოფილებ, მაშინ სჯობს ცოტა გადადო ბინის შეძენა. კარგი იქნება, თუ დაიწყებ დანაზოგის გაკეთებას და მაქსიმალურად ეცდები არსებული სესხების გადასახადების შემცირებას.



ადგილმდებარეობა, სახლის ყიდვისას, ერთ-ერთი მნიშვნელოვანი გასათვალისწინებელი ფაქტორია. ისეთი გადაწყვეტილებაა, რომელსაც ვეღარ შეცვლი ყიდვის შემდეგ, ამიტომ, აუცილებელია წინასწარ იცოდე, სად გინდა ბინის ყიდვა.

ადგილის შერჩევისას უნდა დაფიქრდე რამდენიმე გარემოებაზე, დადის თუ არა ახლოს საზოგადოებრივი ტრანსპორტი და რა გინდა, რომ იყოს მიმდებარედ, სკოლა, ბაღი თუ სპორტული დარბაზი? არ დაგავიწყდეს, ფეხითაც დაათვალიერე ყველა არჩეული ლოკაცია და ისე მიიღე საბოლოო გადაწყვეტილება.

თუ ამ ყველაფრს გაითვალისწინებ, ძალიან ნაკლები შესაძლებლობა დარჩება იმისი, რომ არასწორი არჩევანი გააკეთო.



როდესაც პირველ სახლს ყიდულობ, აუცილებელია, იფიქრო იმაზე, თუ რას აპირებ მომდევნო 5 წელიწადში: შეიცვლება შენი ცხოვრება მნიშვნელოვნად? იქნები გულგრილი ისეთი სამსახურის შემოთავაზებაზე, რომელიც სხვა ქალაქში გადასვლას მოითხოვს? აპირებ ოჯახის შექმნას? გეგმავ ხანგრძლივ მოგზაურობას?...

თუ ფიქრობ, რომ ახლო მომავალში შენი ცხოვრება დიდად არ შეიცვლება და საკმაოდ სტაბილური იქნება, მაშინ, მზად ხარ სახლის შესაძენად და, თუ ფიქრობ, რომ ზემოთ ჩამოთვლილი, რომელიმე ცვლილება შეიძლება მოხდეს ახლო მომავალში, მაშინ სჯობს სახლის ყიდვა ცოტახნით გადადო.


ლივოს ბლოგი

Livo.ge - უძრავი ქონების პლატფორმა

სხვა ბლოგები