მცენარეები, რომლებიც სახლში ჰაერს წმენდენ

გაზიარება
დამატების თარიღი: 16 ოქტომბერი, 2020

არ აქვს მნიშვნელობა ქალაქში ცხოვრობთ თუ ქალაქგარეთ, მავნე ნაწილაკები ნებისმიერი ოთახის ჰაერშია. ისინი ყოველდღიურად გამოყენებადი ნივთების თანმდევია. მათგან სრული გათავისუფლება შეუძლებელია, მაგრამ მავნე ზემოქმედების შემცირება სწორედ მცენარეების დახმარებით არის შესაძლებელი.

მცენარეების დადგმა სახლის ყველა ოთახში შეგიძლიათ, მათ შორის აბაზანაშიც. რაც უფრო ბევრი მცენარე გექნებათ სახლში, მით უფრო იგრძნობთ მათ დადებით თვისებებს, როგორც ვიზუალური თვალსაზრისით, ისე ატმოსფეროს გაჯანსაღების მხრივ.



მოსავლელად მარტივია, უძლებს ძლიერ სიცხეს და ნებისმიერ გარემოში შეუძლია გაიხაროს. ერთ-ერთი საუკეთესო არჩევანია დამწყებთათვის.



ბოლო დროის ყველაზე ტრენდულ მცენარედ არა მხოლოდ მისი ეფექტური გარეგნობის, არამედ მოვლის სიმარტივის გამოც იქცა. იზრდება სწრაფად და კვირაში ერთხელ, თითო ახალ ფოთოლს იბავს. მეგობრებსაც მარტივად შეგიძლიათ აჩუქოთ მისი ღეროს კალმები. თან მსგავსი გასხვლა მცენარის ზრდას უწყობს ხელს. წყალი შეგიძლიათ ერთ, ან ორ კვირაში ერთხელ დაუსხათ, როცა მიწის ზედა ფენა გაშრება. მოარიდეთ შუადღის მცხუნვარე მზეს. უყვარს ნათელი ადგილი და ჩრდილსაც კარგად იტანს.



„ეშმაკის სურო“- ს იმიტომ ეძახიან, რომ ამ მცენარის განადგურება ფაქტიურად შეუძლებელია. ნაკლებად განათებულ და გამომშრალ სივრცეშიც კი 3 მეტრამდე იზრდება.



თუ გადატვირთული გრაფიკით ცხოვრობთ და მუდმივად გასული ხართ სახლიდან, მაშინ ისეთი მარტივად მოსავლელი მცენარე დაგჭირდებათ, როგორიცაა დრაცენა. შეუძლია ადვილად მოერგოს სხვადასხვა პირობებს, მოარიდეთ მხოლოდ შუადღის მცხუნვარე მზეს.

არსებობს “დრაცენა ლიზა” და „დრაცენა მარგინატე“. „დრაცენა ლიზა“ უფრო მარტივად ეგუება სეზონურ ცვლილებებს, მაგრამ ჰაერის გასაწმენდად საუკეთესო არჩევანია “დრაცენა მარგინატა”.



ადვილად უძლებს ძლიერ სიცხეს. ზრდის პერიოდში, გაზაფხულზე და ზაფხულში, წყალი თვეში ერთხელ დაუსხით, სხვა დროს კი - ორ თვეში ერთხელ.

ზოგიერთ კულტურაში, “ზიზი” კეთილდღეობისა და მეგობრობის სიმბოლოა.



ობობა მცენარეს უყვარს ბევრი სინათლე, მაგრამ არა პირდაპირი მზის სხივები, ამიტომ მისთვის შესანიშნავია დიდ ფანჯრებიანი ოთახი.

განსაკუთრებით საინტერესო ხდება გარეგნულად, როცა პატარა ობობა მცენარეებს გამოიბამს, მათი გამრავლება კი მარტივად არის შესაძლებელი.



ჭირდება ცოტა რაოდენობით წყლის დასხმა. შეუძლია უყურადღებობის ატანა და სწორედ ამიტომ, ზედგამოჭრილია ძალიან დაკავებული მეპატრონეებისთვის. ერთადერთი, რაც აუცილებელია, უნდა მოარიდოთ დიდი რაოდენობით სინათლეს და მზის სხივებს.



ჩიტის ბუდის გვიმრა ყურადღებას იქცევს მკაფიო მწვანე, ტალღოვანი ფოთლებით. განსაკუთრებით ეფექტურია დაკიდულ ქოთანში. თუ მზის სხივები აღწევენ, შეგიძლიათ აბაზანაშიც მოათავსოთ, რადგან მას განსაკუთრებით  მოსწონს ტენიანი გარემო.



სპატიფილუმს სხვა ოთახის მცენარეებისგან განსხვავებით ოდნავ მეტი ყურადღება სჭირდება. მუდმივად უნდა შეუნარჩუნოთ ტენიანობა, მაგრამ ამაში არ იგულისმება ზედმეტი მორწყვა.

სხვა მცენარეებისგან განსხვავებით, ჟანგბადს ღამით წარმოქმნის, ამიტომ, ის შეგიძლიათ საძინებელში დადგათ. გარდა ამისა, ჰაერის ერთ-ერთ საუკეთესო გამწმენდად ითვლება.

გაითვალისწინეთ, თუ ყვავილის მტვერზე ალერგია გაქვთ, მაშინ სპატიფილუმი არც თუ ისე სასურველი მცენარეა თვენი სახლისთვის.



ოთახის პირობებში სათანადო მოვლის შედეგად, ფილოდენდრონის ფოთლები და ხვეულები შეიძლება 10 მეტრამდე გაიზარდოს. თუ სახლში მაღალი თაროები გაქვთ ან გსურთ, სივრცეს დაკიდული მცენარეები დაამატოთ, მაშინ მწვანე ფილოდენდრონი იდეალურია.

ძალიან ადვილია მისი გასხვლა, გამრავლება და ზოგადად მოვლა. მხოლოდ ორპირს მოარიდეთ. სხვა მცენარეებთან შედარებით ყველაზე ნაკლებად წმენდს ჟანგბადს.



მისი მოვლა უმარტივესია. გამოიყენება სამკურნალოდაც, აქვს ანთების საწინააღმდეგო თვისებები. უყვარს სინათლე და მზე. მორწყვას საჭიროებს მაშინ, როცა ნიადაგი გამოუშრება.


ლივოს ბლოგი


livo.ge - უძრავი ქონების პლატფორმა

სხვა ბლოგები