Საქართველოში Მიწისძვრა არც ისე უცხო სტიქიური მოვლენაა. Წელიწადის ნებისმიერ დროს, მცირე ან საშუალო ამპლიტუდის მქონე რხევები ქვეყნის როგორც დასავლეთ, ასევე აღმოსავლეთ ნაწილში შეიძლება იგრძნო. Მიუხედავად იმისა, რომ ჩვენთან ჯანმრთელობასთან დაკავშირებული მიწისძვრის შედეგად გამოვლენილი განსაკუთრებით მძიმე შემთხვევები იშვიათად ფიქსირდება, მნიშვნელოვანია, რომ ყველას კარგად გვესმოდეს, თუ როგორ უნდა მოვიქცეთ მიწისძვრის დროს, რათა სხეულის შინაგანი ან გარეგანი დაზიანებები არ მივიღოთ. ამ ბლოგში CDC-ის მიერ გაცემული რეკოენდაციები შეგიკრიბეთ, რათა საჭიროების შემთხვევაში იცოდე, როგორ იმოქმედო.
Მიწისძვრის დროს, უსაფრთხოების წესების დაცვა დაზიანებების მიღებისგან გვიცავს. უმეტეს შემთხვევებში, თავის დაცვას შეძლებთ, თუ:
- იატაკზე მუხლებსა და ხელებს დაეყრდნობი. ეს პოზიცია დაცემისგან გიცავს და ამავდროულად, საჭიროების შემთხვევაში, გადააადგილების საშუალებასაც გაძლევს;
- დაიფარე თავი და კისერი (თუ შესაძლებელია, მთლიანი სხეული) მყარი მაგიდის, ან დაფის ქვეშ. თუ ახლოს თავშესაფარი არ არის, დაიხარე შიდა კედელთან ან ისეთ დაბალ ავეჯთან, რომელიც ვერ დაგეცემა. Შემდეგ, ხელებისა და მკლავების საშუალებით, დაიფარე თავი და კისერი;
- არ მოშორდე თავშესაფარს (ან არ შეწყვიტო თავისა და კისრის დაფარვა) მანამ, სანამ რყევა არ შეწყდება. Მზად იყავი, რომ მოშორდე თავშესაფარს, თუ რყევის შედეგად მისი ადგილმდებარობა იცვლება.
არ გამოიქცე გარეთ, ან არ დაიწყო ოთახებში სირბილი მიწისძვრის დროს. Ნაკლები შანსია დაშავდე, თუ იქ დარჩები, სადაც ხარ.
იმისათვის, რომ დაზიანებების მიღების რისკი შეამცირო, იმოქმედე შემდეგნაირად:
- Მოშორდი ფანჯრებსა და გარე კედლებს;
- არ გამოიყენო ლიფტი;
- თუ სადმე გაიჭედე, შეინარჩუნე სიმშვიდე. ეცადე, ვინმეს ხმა მიაწვდინო და ყურადღება მიიქციო. ასეთ დროს, ძლიერი ხმაურის გამოსაწვევად, კარგი გამოსავალია, მეტალის ერთმანეთზე დარტყმა;
- თუ შესაძლებელია, ძალიან სწრაფად, სანამ რყევა გაძლიერდება, მოშორდი მინებს, დაკიდებულ ნივთებს, წიგნის თაროებსა და კარადებს, ასევე, ყველანაირ დიდი ზომის ავეჯს, რომელიც შესაძლოა, რომ დაგეცეს. ყურადღება მიაქციე ისეთ ობიექტებს, რომელიც ცვივა, მაგალითად, აგურები ბუხრიდან და საკვამურიდან, განათების მოწყობილობები, მაღალი თაროები და ა.შ;
- თუ ახლოს ხელმისაწვდომია, აიღე რაიმე ნივთი, რათა თავი და სახე დამსხვრეული მინის, სარკის ან ფანჯრის ნატეხებისგან დაიფარო;
- თუ სამზარეულოში ხარ, სწრაფად გამორთე გაზი და ღუმელი და პირველივე რყევისას, დაიფარე თავი, ზემოთ მოცემული რჩევების გათვალისწინებით;
- თუ საძინებელში ხარ, მოეჭიდე საწოლს და ადგილზე დარჩი ისე, რომ ბალიშით თავი დაიცვა;
- Ნაკლები შანსია დაზიანდე, თუკი დარჩები იქ, სადაც ხარ, რადგან მიწისძვრისას გატეხილი მინის ნამსხვრევებს შენი დაზიანება შეუძლია;
- დარჩი შენობაში.
Რაც მთავარია, Ნუ დადგებით გასასვლელში (კარში). ვინაიდან, Მაგიდის ქვეშ მოთავსებული, ბევრად უფრო უსაფრთხოდ იქნები. გაითვალისწინე, რომ მიწისძვრასთან დაკავშირებული ლეტალური შემთხვევებისა და ფიზიკური დაზიანებების უმეტესობა, მიწაზე დანარცხებით ან ჩამოცვენილი ობიექტების დაცემითაა გამოწვეული (მაგ: ტელევიზორები, ტორშერები, ჭაღები, მინები, ან წიგნის თაროები).
- არ გაიქცე კარისკენ. ვინაიდან, მსგავსი იდეა უკვე სხვებსაც მოუვიდათ და დიდი შანსია, ჭყლეტვაში მოყვე;
- Მოშორდი ისეთ თაროებს, საიდანაც ნივთების ცვენის ალბათობა მაღალია;
- თუ შესაძლებელია, თავი შეაფარე რამეს და აიღე ნივთი, რომლითაც მინების ნამსხვრევებისა და სხვა გადმოცვენილი ნივთებისგან, თავსა და სახეს დაიცავ.
- Მოშროდი შენობებს, გაყვანილობებს, საკანალიზაციო ჭებსა და ბენზინგასამართ სადგურებს;
- ღია სივრცეში ხეების, სატელეფონო ხაზების და შენობებისგან მოშორებით მოთავსდი. Როგორც კი მსგავს ადგილს იპოვი, დაიხარე და მიღებულ პოზიციაში დარჩი მანამ, სანამ რყევა არ შეწყდება;
- ყველაზე საშიშია შენობის გარე კედლებთან ახლოს მყოფი ადგილები. გაითვალისწინე, ფანჯრები, ფასადები, არქიტექტურული დეტალები, ხშირად, პირველია, რაც შენობის კოლაფსისას ცვივა. ამიტომაც, მოერიდე მსგავს საფრთხის შემცველ ზონაში ყოფნას.
ლივოს ბლოგი
