Როგორ შევქმნათ ხმის იზოლაცია ბინაში

გაზიარება
დამატების თარიღი: 1 აგვისტო, 2022

თუ იმ ადამიანთა რიცხვს მიეკუთვნები, რომელთაც სამუშაო ოთახში ონლაინ შეხვედრაზე ჩართვისას, ან უბრალოდ შუადღის ძილის მოსაწყობად გამზადებულს გვერდითა ოთახიდან ბავშვების თამაშის ხმა, ოჯახის წევრის საკმაოდ მაღალ ხმაზე ჩართული ფილმი, ან, თუნდაც მეზობელი კედლიდან შემოსული ხმაური ხშირად აწუხებს, მაშინ, ალბათ, ერთხელ მაინც გიფიქრია რა კარგი იქნებოდა ბინაში არასასურველი ხმაურის ჩახშობა რომ შეგეძლოს. ამ ფიქრების რეალობაში აღსრულება ფანტასტიკის ჟანრს სულაც არ მიეკუთვნება და ეს ბლოგიც, სწორედ კომფორტული ყოველდღიურობისთვის შევქმენით. Მაშ, ასე, - თუ ჩვენს რჩევებს ყურადღებით წაიკითხავ, იმ რამდენიმე მარტივ გზას აღმოაჩენ, რომელიც სიმყუდროვეს სახლში საფუძვლიანი რემონტის გაკეთების გარეშე, შემაწუხებელი ხმაურის საგრძნობლად ჩახშობით შეგიქმნის:



Ნებისმიერი ისეთი ხმა, რომელიც ბინის კონკრეტულ ოთახში ყოფნისას არ გსურს რომ გესმოდეს, თუმცა მაინც გესმის, მიიჩნევა, როგორც “გაჟონილი” ხმა, რადგან აკუსტიკური ტალღები ფლუიდური ქცევით ხასიათდებიან. Რაც ნიშნავს, რომ ეს არასასურველი ხმაური შენი ბინის ყველაზე სუსტი წერტილებიდან მომდინარეობს და ოთახებში ღრმულების, ნახვრეტების, ნაპრალებისა და ამოტეხილი ადგილების საშუალებით აღწევს. Მანამ, სანამ სახლში ხმის იზოლაციის მოწყობას შეუდგებოდე, მნიშვნელოვანია, რომ სწორედ იმ სუსტი ადგილების მდებარეობა დაადგინო, რომელიც, როგორც წესი, კედლებში, კარებსა და ფანჯრებში აღმოჩნდება ხოლმე. Როგორც კი შენი ბინის სუსტ ადგილებს აღმოაჩენ, შეგიძლია ხმის იზოლაციის გეგმის შედგენა ან უკვე შედგენილის აღსრულება დაიწყო. 



Მძიმე, სქელტანიანი წიგნებისა და წიგნის თაორების გამოყენება ნაცადი და კარგი გზაა ხმის ბარიერის შესაქმნელად. კომბინაციის საშუალებით, თაროები და წიგნები თხელ დაბრკოლებას ქმნიან, სადაც ბგერებს საკმაოდ უჭირთ გაღწევა. Ხსენებული დუო, ბინაში, თითქოს, მეორე კედელს ქმნის. თუ შენს ოთახში მოხვედრილი გაჟონილი ხმა იმ კედლიდან მოდის, რომელიც მეზობელს ესაზღვრება, მაშინ პრობლემის მოსაგვარებლად, წიგნის თაროების დამატება შესანიშნავი გამოსავალია. თუ ამ ხერხს მიმართავ, გაითვალისწინე, რომ თაროები, სასურველია, კედლის სიგრძის დიდ ფართობს ფარავდეს (მაგ: გააკეთე 5 ან მეტი თარო) და ასევე, მნიშვნელოვანია, რომ თითოეული მათგანი რაც შეიძლება მჭიდროდ იყოს შევსებული. Მიუხედავად იმისა, რომ დღეს თაროს მასალის უამრავი ნიმუში არსებობს, როგორც ამბობენ, ხმის შესაკავებლად, ყველაზე კარგად ტრადიციული ხის თარო მუშაობს. 



Ბამბის ხავერდის ფარდაგი ქსოვილგადაკრულ ავეჯთან, მცენარეებთან, კედლის საკიდებსა და დეკორაციებთან ერთად, ხმის შთანთქმას შეუწყობს ხელს. ეს მატერიები, ასევე, ამცირებს ფეხის ნაბიჯების ხმასა და ნივთის ვარდნის შემთხვევაში, მისი ექოსგან გამოწვეულ ხმაურს. გარდა იმისა, რომ ამ გზით შენთვის მშვიდ გარემოსაც მოიწყობ, პარალელურად, მეზობლების სიმყუდროვესა და კომფროტზეც იზრუნებ. გაითვალისწინე, რაც უფრო თხელია ფარდაგი, ან, თუნდაც კედელზე გაკრული დეკორატიული ქსოვილი მით უკეთ შეუძლია ბგერების შეწოვა და შესაბამისად, ხმაურის შემცირება. დღეს, ისიც კი შეგიძლია, რომ სპეციალურად ხმაგაუმტარი ფარდაგი და კედლის საკიდი აქსესუარები შეიძინო. 



ოთახში ხმის იზოლაცია კედლის დაფების დამონტაჟებით, ან ე.წ. “ხმაგაუმტარი ფარდების” დაკიდებით შეგიძლია. ეს, საუკეთესო გზაა, თუ დაბალ სართულზე ცხოვრობ და ქუჩიდან შემოსული ხმაური მოსვენებას არ გაძლევს. ამ ორ შემთვევაში, მოგიწევს კედელში რამდენიმე ხვრელი გაიყვანო, რათა მასზე დაფის დაკიდება შეძლო. Მაშინ, როცა დაფები და ფარდები მარტივი და იაფიანი საშუალებაა ხმის იზოლაციის შესაქმნელად, მნიშვნელოვანია იცოდე, რომ მათი დამონტაჟება საკმაოდ საფრთხილო საქმეა და შესაძლოა, დამატებით ისეთი ქსოვილის შეძენასაც მოითხოვდეს, რომელიც შენს გემოვნებასა და სახლის ინტერიერს მოუხდება. გასათვალისწინებელია ისიც, რომ ფარდების შემთხვევაში, ხმის შესაკავებლად მნიშვნელოვანია, რომ ის აუცილებლად დახურულ მდგომარეობაში იყოს.



Ბინის ხმაურით დაბინძურების საკითხში, ერთ-ერთი გამორჩეულად დამნაშავე ობიექტი ბინაში შემოსასვლელი კარია. მრავალსართულიან და მჭიდროდ დასახლებულ კორპუსებში, დატვირთული დერეფნიდან გაჟონილი ხმა, გზას ბინის შემოსასვლელი კარის კიდეებთან არსებულ ნაპრალებში იკვლევს და ახლო ოთახში თავისუფლად გადააადგილდება. ასევე, მნიშვნელოვანია თუ როგორი კარი გაქვს შემოსასვლელში. Ხარჯების შემცირების მიზნით, ხშირად, მძიმე და მასიური კარის ნაცვლად, შუაში “სიცარიელით ავსებულ” კარს ამონტაჟებენ, რაც პირველი შეცდომა და გარედან შემოსული ხმაურის მთავარი გამომწვევი მიზეზი ხდება. თუ შენც ეს შეცდომა დაუშვი, მაშინ უმჯობესია კარი გამოცვალო. თუ მძიმე, მასიური კარის ხარჯები შენთვის ხელმისაწვდომი სულაც არ არის, მაშინ შეგიძლია აკუსტიკური კარის იზოლირების ნაკრები შეიძინო და არსებულ კარს მიამაგრო. ამ გზით, კარის ირგვლივ არსებული ნაპრალების ამოვსებასა და ხმაურის შემცირებას შეძლებ. 


ლივოს ბლოგი

სხვა ბლოგები