რისი გაკეთებაც სულ გვინდოდა სახლში, მაგრამ დრო არასდროს გვქონდა

გაზიარება
დამატების თარიღი: 30 მარტი, 2020

კორონავირუსის პანდემიის გამო, მსოფლიო თითქოს გაჩერდა. ქვეყნებში საგანგებო მდგომარეობაა გამოცხადებული და მთავრობები ხალხს მოუწოდებენ სახლში დარჩენისკენ, რაც აუცილებელია ეპიდემიის გავრცელების შესაჩერებლად და კრიზისის სწრაფად გადასალახად.

ზოგიერთი ადამიანი თავს კარგად გრძნობს სახლში, საყვარელ ადამიანებთან ერთად, ზოგს კი უჭირს თვითიზოლაციაში ყოფნა და დროის საინტერესოდ გასაყვანად სხვადასხვა ხერხს მიმართავს.

შევეცადეთ გაგვეხსენებინა ყველა ის საქმიანობა, რისი გაკეთებაც სულ გვინდოდა სახლში, მაგრამ დრო არასდროს გვქონდა.





როდესაც დღის უმეტეს ნაწილს სამსახურში ატარებ, თავისთავად ეჩვევი საჭმლის გამოძახების სერვისებით სარგებლობას, რაც ყოველდღიურობას გიმარტივებს. სახლში მისულს კი აღარ გრჩება დრო და ენერგია, რომ კერძი მოამზადო ან ამზადებ, მაგრამ იმას, რაც მრავალჯერ გაქვს გაკეთებული.  

ახლა დრო ნამდვილად გაქვს, გადმოიღე კულინარიული წიგნები, მოიძიე ახალი რეცეპტები და შენი ხელით მოამზადე და დააგემოვნე სხვადასხვა ქვეყნის კულინარიული შედევრები.


ინტერნეტ რესურსები: აპლიკაცია - Tasty, YouTube - კულინარიული ვიდეოები, Facebook -კულინარიული გვერდები და ზღვა მასალა გუგლში...





დაზიანებული ნივთები თავიდან გაწუხებს, მაგრამ შემდეგ ეჩვევი და ვეღარ ხვდები, რომ აუცილებელია მისი შეკეთება. შეამოწმე კარის სახელურები, რომელიც შეიძლება ბავშვმა მოარყია, შეამოწმე მაგიდის და სკამის ფეხები, რომელიც დიდი ხანია მყარად ვეღარ დგას. საყვარელ დივანზე წითელი ღვინო დაგექცა წვეულების დროს და იმის მერე ვეღარ იზრუნე კვალის ამოყვანაზე? დიდი ხანია დამატებითი თაროები იყიდე ოთახისთვის, მაგრამ ვერა და ვერ დაამონტაჟე? და კიდევ...? გაიხსენე რა გაქვს საკუთარ სახლში შესაკეთებელი, ახლა შეგიძლია მოიცალო ამ ყველაფრისთვის. 






დალაგება დაიწყე კარადებიდან. დააწყვე პირადი ნივთები და ტანსაცმელი საჭიროებების მიხედვით. გაწმინდე ყველაფერი რაც დიდ დროს და სათუთ მოვლას საჭიროებს. მეტი მრავალფეროვნებისთვის, შეგიძლია ცვლილებები შეიტანო და შეცვალო ავეჯის განლაგებაც. მოამზადე თბილი ამინდების ტანსაცმელი, ხოლო ზამთრისთვის განკუთვნილს მიუჩინე შესაბამისი ადგილი. დალაგებულ და განახლებულ ოთახში შესვლა დიდ სიამოვნებას მოგანიჭებს.





წიგნის კითხვა ყველაზე კარგი ანტიდეპრესანტია. კითხვისას შეგიძლია მოშორდე სოციალურ ქსელებს და გადაეშვა სხვა სამყაროში. სამსახურიდან სახლში დაბრუნებულს ხშირად გიფიქრია, რომ კარგი იქნებოდა სასურველი ჟანრის წიგნის გადაშლა, მაგრამ საოჯახო საქმეები ამის საშუალებას იშვითად გაძლევს. ახლა, დისტანციური მუშაობით, ბევრ დროს იგებ და შეგიძლია იკითხო. ფილმების და სერიალების საყურებლადაც უფრო მეტი დრო გაქვს. ეს ყველაფერი კი დაგავიწყებს იმ კრიზისს, რის წინაშეც დგას მთელი მსოფლიო.





დიდი ხანია გეგმავ ინტერნეტში ნანახი ვიდეოთი ან მეგობრის რეკომენდაციით ვარჯიშის დაწყებას სახლის პირობებში? თვითიზოლაცია გაძლევს საშუალებას, რუტინად გადააქციო სასურველი აქტივობა. მოიწყვე სავარჯიშო კუთხე, მოიძიე სხვადასხვა ვარჯიშები Youtube-ის ან/და აპლიკაცია Medbarz-ის დახმარებით.





სამსახური, სახლი, მეგობრები... ერთფეროვანი ცხოვრება არ გაძლევს საშუალებას იფიქრო იმაზე თუ რა იცი და რა არ იცი? რას აკეთებ, რატომ აკეთებ და რა ჯობია, რომ გააკეთო? იფიქრე, ასჯერ გაზომე და აღმოაჩინე  ბევრი რამ შენს შესახებ. თუ რაიმეს სწავლა მოგინდება,  ამისთვის გამოიყენე ონლაინ რესურსები, წაიკითხე სხვების გამოცდილება... და თვითიზოლაციის, შემდეგ შეხვდი ახალ გამოწვევებს უფრო მომზადებული.


ლივოს ბლოგი

სხვა ბლოგები