როგორ დავალაგოთ სათამაშოები ბავშვების ოთახში

გაზიარება
დამატების თარიღი: 13 მაისი, 2020

მშობლებისთვის ერთ-ერთი დიდი გამოწვევა შვილების სათამაშოებია. ბავშვების დაძინების შემდეგ, უამრავ მშობელს უწევს, ყოველდღიურად, სახლში მიმოფანტული სათამაშოების და მათი პატარა ნაწილების მოძებნა და დალაგება. ამ პრობლემის გადაჭრა სხვადასხვა გზებით შეიძლება. თუ სათამაშოებს მუდმივად დავაწყობთ გარკვეული ორგანიზებული სტრუქტურით, ეს ბავშვებს დიდ კმაყოფილებას მიანიჭებს და მათ აუცილებლად მოუნდებათ სათამაშოების მოვლა. გთავაზობთ საუკეთესო იდეებს ბავშვის სათამაშოების სათავსოების შესაქმნელად.




თუ თაროების დაკიდებას გადაწყვიტავთ, დაკიდეთ დაბალზე, ისე, რომ ბავშვები უფრო მარტივად მიწვდნენ მასზე დაწყობილ სათამაშოებს. სათავსოს მაღლა, ცარიელ კედელზე, შეგიძლიათ დაამატოთ თაროები წიგნებისთვისაც. გარკვეული დროის შემდეგ კი, ბავშვები რომ გაიზრდებიან, სათამაშოების სათავსო მთლიანად წიგნების თაროდ გადაიქცევა. 




დახრილ კონტეინერებში სათამაშოების განთავსება მოსახერხებელია თქვენთვის და თქვენი პატარებისთვისაც. ბავშვები პირდაპირ დაინახავენ იმას, რისი აღებაც სურთ და, მეორეს მხრივ, უფრო გაუმარტივდებათ სათამაშოს დაბრუნება თავის ადგილზე.




ნაჭრის ჰამაკი მშვენიერი იდეაა იმისთვის, რომ იატაკი გაათავისუფლოთ დაყრილი სათამაშოებისგან. ასეთი ჰამაკი განსაკუთრებით კარგია სათამაშო ცხოველების მოყვარული ბავშვებისთვის. ჰამაკი შეგიძლიათ დაკიდოთ ოთახის კუთხეში ან კედელზე და თამაშის შემდეგ, ბავშვები თვოთონვე ჩააწყობენ ხოლმე საყვარელ ცხოველებს.



კედლის ბევრ ნაწილად დაყიფილი თაროები იდეალურია პატარა, საკოლექციო სათამაშოებისთვის, კარგადაც გამოიყურება და ბავშვებსაც მოწონთ, აღებულ სათამაშოებს თვითონვე უკან დააბრუნებენ.




უზარმაზარი ყუთები, რომლებშიც სათამაშოებს ვინახავთ, მოუხერხებელია ბავშვებისთვის, რადგან ბევრ ნივთებში სასურველი სათამაშოს მოძებნა რთულია, დიდი დრო ჭირდება და ხშირად მთლიანი ყუთის გადმოყრაც უწევთ. ამ პრობლების გადაჭრა შესაძლებელია პატარა ყუთებით, სადაც სათამაშოები გარკვეული კლასიფიკაციით იქნება ჩალაგებული.




ადგილის დაზოგვის მიზნით, ოთახის კარზე შეგიძლიათ ჩამოკიდოთ ნაჭრის სათავსოები. სასურველია, ნაჭრის სათავსოები იყოს გამჭვირვალე, რადგან ბავშვებს შეეძლოთ მის თითოეულ ნაწილში ჩაწყობილი ნივთების დანახვა. შეგიძლიათ ასეთი დეკორაცია კედელზეც გააკეთოთ.




ფოტოების მეშვეობით ბავშვებს ბევრი ნივთის აღქმა შეუძლიათ ადრეულ ასაკში. პატარა ყუთებს და კონტეინერებს, სადაც მოათავსებთ სათამაშოებს გარკვეული კლასიფიკაციით, შეგიძლიათ მიაკრათ სტიკერები შესაბამისი შინაარსის ფოტოთო და ბავშვები მარტივად მიხვდებიან, თუ რა დევს თითოეულ ყუთში.


გახსოვდეთ, ბევრი სათამაშოს ქონა არ ნიშნავს ბავშვების უკეთ თამაშს და უკეთ გართობას. თავი აარიდეთ ისეთი სათამაშოების ყიდვას, რომლებსაც მხოლოდ ერთი ფუნქცია აქვს, მაგალითად, მატარებელს, რომლის აწყობა 8 ფიგურისგან არის შესაძლებელი, სჯობს მატარებელი თავისი სათამაშო ლიანდაგით, რადგან ლიანდაგიან მატარებელს ბავშვი თამაშის დროს გაეკიდება და უფრო კარგად და დიდხანს გაერთობა. როდესაც ბავშვები გარშემორტყმულნი არიან ბევრი სათამაშოთი, ერთი კონკრეტული სათამაშოთი მხოლოდ რამდენიმე წუთი თამაშობენ, რადგან სურვილი აქვთ, ყველა სათამაშოთი გაერთონ, ამიტომ, კარგი იქნება, ერთდროულად ბევრი სათამაშო არ მივცეთ ბავშვებს და ნელ-ნელა ვუყიდოთ სხვადასხვა სახის სათამაშოები.


ლივოს ბლოგი


livo.ge - უძრავი ქონების პლატფორმა


სხვა ბლოგები