ხანგრძლივი დროით სახლში ყოფნა საკმაოდ მოსაწყენი და მოსაბეზრებელია, განსაკუთრებით ბავშვებისათვის. გარდა იმისა, რომ ბავშვებმა დღის გარკვეული დრო სწავლას უნდა დაუთმონ, გართობა და აქტიურად ყოფნა აუცილებელია. თუ მოზრდილებს შეუძლიათ საკუთარ განწყობაზე ზრუნვა და სახლში ყოფნის გახალისება, ბავშვებისთვის ეს თითქმის შეუძლებელია და მათ ამაში დახმარება ჭირდებათ. გთავაზობთ სხვადასხვა აქტივობებს, რომლებიც ბავშვებს მთელი დღით სახლში ყოფნას გაუმარტივებს და სახალისოს გახდის.
სამაგიდო თამაშები გართობის ერთ-ერთი ყველაზე კარგი საშუალებაა. მასში არამხოლოდ ბავშვი, არამედ მთელი ოჯახი მონაწილეობს, რაც თამაშის პროცესს უფრო სახალისოს ხდის.
სახლის პირობებში სამაგიდო თამაშების იდეები: https://geekgeargalore.com/boardgames/best-diy-board-games-for-kids/
ფაზლის აწყობის პროცესი არამხოლოდ სახალისო და საინტერესოა, არამედ ხელს უწყობს ბავშვის გონებრივ განვითარებას.
საყვარელი მულტფილმის პერსონაჟების გაფერადება და დახატვა საკმაოდ საინტერესო პროცესია.
იდეები ხატვისთვის და გაფერადებისთვის: https://www.projectswithkids.com/painting-ideas-for-kids/
დამალეთ სახლში რაიმე ნივთი, შემდეგ კი მიეცით ბავშვს სხვადასხვა მინიშნება მის აღმოსაჩენად.
იდეებისთვის: https://playtivities.com/at-home-treasure-hunt/
დაიხმარეთ ბავშვი სამზარეულოში, გამოაცხვეთ მასთან ერთად ნამცხვარი ან ორცხობილები.
გთავაზობთ ბაჭია ნამცხვარის გამოცხობის იდეას: https://www.bettycrocker.com/menus-holidays-parties/mhplibrary/holidays/how-to-make-an-easter-bunny-pancake
შეგიძლიათ ბავშვებს ვირტუალურად მუზეუმები და სხვა მისთვის საინტერესო ადგილები დაათვალიერებინოთ. მაგ: ლუვრის მუზეუმი , აღდგომის კუნძულის ქანდაკებები , შეგიძლიათ NASA - შიც ამოგზაუროთ და მასთან ერთად პლანეტა მარსიც მოინახულოთ.
თხოვეთ ბავშვს ყოველდღიურად აწარმოოს დღიური და თავის ფიქრები და ემოციები ფურცელზე გადაიტანოს.
იდეები დღიურისთვის: https://www.journalbuddies.com/journal_prompts__journal_topics/diary-writing-ideas-for-kids/
ორიგამის კეთება გასართობი და საინტერესო პროცესია არამარტო ბავშვებისთვის, არამედ მოზრდილებისთვისაც. შეგიძლიათ ბავშვთან ერთად ქაღალდისგან სხვადასხვა ფიგურები გააკეთოთ youtube-ის ვიდეო ტუტორიალების დახმარებით.
იდეები ორიგამისთვის: https://www.youtube.com/watch?v=xghC-JgLZdY
ასწავლეთ და ითამაშეთ ბავშვთან ერთად, ჭადრაკი აუმჯობესებს ბავშვის გონებრივ შესაძლებლობებს.
რჩევა: ჩამოწერეთ ფურცელზე ბავშვებთან ერთად ეს და კიდევ სხვა ბევრი აქტივობა და მათ თვითონ აარჩევინეთ ხოლმე, რისი გაკეთებაც სურთ.
ლივოს ბლოგი
