სახლის ყიდვა ყველაზე დიდი ფინანსური ტრანზაქციაა, რომელსაც ადამიანების უმეტესობა აკეთებს. სწორედ ამიტომ, თუ სახლის შეძენას აპირებ, საჭიროა კარგად გქონდეს განსაზღვრული ყველა დეტალი და სასურველი კრიტერიუმი, რომელიც ახალმა საცხოვრებელმა გსურს, რომ დააკმაყოფილოს.
რაც ყველაზე მნიშნველოვანია, სიღრმისეულად უნდა გაარკვიო ხომ ნამდვილად რეალურ ფასად ყიდულობ უძრავ ქონებას. მათ, ვინც პანდემიის პერიოდში, კერძოდ 2021 წელს, უძრავი ქონების ფასების რეცესიის დროს მოასწრო სახლის ყიდვა, შეიძლება ითქვას, რომ ძალიან გაუმართლათ, თუმცა მათ, ვინც ბინას ახლა ეძებს, დარწმუნებით ვეტყვით, რომ ეს ბლოგი ნამდვილად გამოადგებათ:
როდესაც ბინის შეძენაზე ვფიქრობთ, აუცილებელია ვიცოდეთ ბოლოდროინდელი ტრენდები: გასაყიდი უძრავი ქონების ფასები გაიზარდა თუ დაეცა? მნიშვნელოვანია გვახსოვდეს, რომ ფასები ყოველთვის დამოკიდებულია იმაზე, თუ ამჟამინდელი მდგომარეობით სად არის უძრავი ქონების ბაზარი ბუმისა და რეგრესიის მრუდზე. მაგალითად, თუ ბაზარი აღმავლობაშია, თუმცა არა პიკთან ახლოს, - ფასები შესაძლოა სულაც არ იყოს ძალიან მაღალი, და პირიქით, შესაძლოა იყოს გადაჭარბებულად მაღალი, თუ ფასებმა ახლახანს დაიწყო კლება.
თანამედროვე ტექნოლოგიები მაქსიმალურად გვიმარტივებს ბინის შერჩევის პროცესს. დღეს შესაძლებელია სახლი 3D ფორმატშიც კი ვიხილოთ. უძრავი ქონების ყიდვა-გაყიდვის ვებგვერდები გვეხმარება შევიქმნათ კარგი წარმოდგენა ბაზარზე არსებული ფასების, შეთავაზებებისა და პირობების შესახებ, რაც სახლის კარგ ფასად ყიდვის შესაძლებლობას ზრდის. თუმცა, როცა ბინაზე ვსაუბრობთ, არ უნდა დაგვავიწყდეს ისიც, რომ გამოუცდელ და ხშირად, კარგად გამოცდილ თვალსაც კი, შეიძება გამოეპაროს მნიშვნელოვანი დეტალები, თუ ბინას რეალურ დროში არ ათვალიერებს.
ეს ნიშნავს, რომ გასაყიდი სახლების ციფრულ ფორმატში კომფორტულად დათვალიერების შემდეგ, აუცილებელია არ დაგვეზაროს და ძალიან ბევრი მათგანი რეალურადაც ვნახოთ. აღსანიშნავია ისიც, რომ სახლის შეძენის დროს მნშვნელობა აქვს ახლომდებარე ობიექტებს, მათ გარეგნულ იერსახეს და სხვა ისეთ მრავალ დეტალს, რომელსაც მხოლოდ ვებგვერდით ვერ შეიტყობ.
მას შემდეგ კი, როცა გასაყიდი სახლების ბევრი ალტერნატივა გექნება ნანახი, სასურველი ბინის რეალური ღირებულების შეფასებას უფრო მარტივად და ობიექტურად შეძლებ. რაც ნიშნავს, რომ ახალ საცხოვრებელს მრავალი დეტალის გათვალისწინებით, შედარებითა და ცოდნით, უფრო სარფიანად შეიძენ.
ახალი საცხოვრებელი ადგილის შეძენა, ცხოვრების ნებისმიერ ეტაპზე, ძალიან დიდი და საპასუხისმგებლო გადაწყვეტილებაა. შესაბამისად, თუ ზუსტად არ გაქვს გადაწყვეტილი თუ რა მიზეზის გამო ეძებ ახალ ბინას, მისი სარფიანად შეძენა, შესაძლოა კიდევ უფრო გაგიჭირდეს.
რაც მთავარია, იმისთვის, რომ სახლი შენთვის სასურველ ფასად იყიდო, როგორც უკვე აღვნიშნეთ, არ დაგეზაროს ძებნის ხანგრძლივი და დეტალური პროცესი. პირველ რიგში, კარგად წარმოიდგინე შენი პერსონალური და ფინანსური მიზნები. სასურველია, გააკეთო სია იმ ყველაზე მნიშნველოვანი კრიტერიუმების, რომელსაც ახალი სახლი გინდა რომ აკმაყოფილებდეს: დიდი ხნით თუ გსურს შეძენა, სტაბილურობის შეგრძნებას ხომ არ უნდა ტოვებდეს? სივრცის განაწილება როგორი გინდა? იქნებ ლოკაციაა გადამწყვეტი? მაშინ, როცა კარგად იცი თუ რა გსურს, მოლაპარაკების პროცესში უფრო მარტივად შესამჩნევია ახალი სახლის ღირსებებიცა და ნაკლიც. შესაბამისად, მარტივდება ფასზე მოლაპარაკებაც.
ბინის შეძენისას, ასევე გადამწყვეტია კარგად გვქონდეს გააზრებული, თუ რა ხარჯებთანაა დაკავშირებული ჩვენთვის მოსაწონი სახლის შეძენა. მას შემდეგ, რაც ობიექტურ ღირებულებას გამოითვლი, მნიშნველოვანია ზედმიწევნით განსაზღვრო რამდენის გადახდა გაქვს გამიზნული და მკაცრად და პრინციპულად მიჰყვე ამ ბიუჯეტს. შესაბამისად, როდესაც სახლს, პირველ რიგში, ბიუჯეტის გათვალისწინებით არჩევ, ნაკლები შანსია არასასურველი ხარჯების წინაშე აღმოჩნდე.
სახლის შემოწმება გვეხმარება დავინახოთ ქონების ტექნიკური და სტრუქტურული მახასიათებლების საერთო სურათი. უფრო ზუსტად, დაგეხმარება განსაზღვრო აქვს თუ არა ბინას რაიმე ისეთი ნაკლი, რომელიც სახლის შეფასებისას ბიჯეტის შემცირებაში დაგეხმარება. რაც მთავარია, შეძენის შემთხვევაში, ამ გზით თავიდან აირიდებ მოულოდნელ და გაუთვალისწინებელ ხარჯებს.
საბოლოოდ, ვფიქრობთ, ჩვენი რჩევები სახლის სარფიანად შესაძენად ნამდვილად გამოგადგება. არ დაგავიწყდეს, სასურველი საცხოვრებელი ადგილის პოვნას ყოველთვის შეძლებ უძრავი ქონების პორტალზე www.livo.ge
ლივოს ბლოგი
