სახლის რემონტის დროს გავრცელებული შეცდომები

გაზიარება
დამატების თარიღი: 8 ივლისი, 2020

სახლის რემონტი რთული გამოწვევაა ყველა ადამიანისთვის. დიდი განსხვავება არ არის, ოთახების განახლებას აპირებთ თუ თავიდან ბოლომდე გიწევთ რემონტის გაკეთება, ორივე შემთხვევაში, დიდ ენერგიას მოითხოვს. რემონტის დროს შეიძლება ბევრი შეცდომა დაუშვათ, რაც კიდევ უფრო ართულებს პროცესს და დროში წელავს.

ბლოგში ჩამოთვლილია გავრცელებული შეცდომები, რომელიც მაქსიმალურად უნდა აირიდოთ თავიდან, თუ გინდათ, რომ გართულებების გარეშე ჩაიაროს რემონტმა.




თუ ახლად შეძენილი სახლის გარემონტება გსურთ, მაგრამ, დროებით, რემონტის გარეშეც შესაძლებელია მასში ცხოვრება, უმჯობესია, ცოტახნით გადახვიდეთ, შეისწავლოთ სახლი კარგად და იქ ცხოვრების გამოცდილებით დაგეგმოთ ოთახების განლაგება და ყველა ის დეტალი, რისი შეცვლაც გსურთ. 




ხშირ შემთხვევაში რემონტი ბევრად ძვირი ჯდება და უფრო მეტი დრო ჭირდება, ვიდრე თქვენ იმედოვნებთ. შესაძლებელია დაგეგმილი თანხის 20%-ით გაზრდაც კი მოგიწიოთ, ამიტომ უმჯობესია, თავიდანვე გადადოთ ფული გაუთვალისწინებელი ხარჯებისთვის.




ძველი აშენებული სახლის რემონტმა შეიძლება ბევრი პრობლემა გამოიწვიოს, რადგან წინასწარ არ იცით, თითოეული „კედლის უკან“ რა დაგხვდებათ. გაუთვალისწინებელი პრობლემები უფრო ნაკლებია ახალი აშენებული სახლის რემონტის დროს, მაგრამ, ამ შემთხვევაშიც, ბოლომდე თავს ვერ აარიდებთ მათ, ამიტომ გაცნობიერებული უნდა გქონდეთ, რომ გეგმიდან გადახვევა შეიძლება ბევრჯერ მოგიწიოთ და არ უნდა შეუშინდეთ ამ გამოწვევას.




მუშების დაქირავებისას აუცილებელია, წინასწარ გაიკითხოთ მათ შესახებ, გაიგოთ მათი მუშაობის ხარისხი და როგორ ეტევიან შეთანხმებულ ვადებში იმ ადამიანებისგან, ვისთანაც მანამდე ჰქონდათ ნამუშევარი. ამის გარკვევა თავიდან აგარიდებთ დაუგეგმავ ხარჯებს და უსიამოვნებებს.




შეიძლება კარგად არ იყოთ გარკვეული რემონტთან დაკავშირებულ სხვადასხვა ტექნიკურ საკითხში, მაგრამ იმაზე ფიქრს, რომ თქვენი კითხვები სულელური იქნება, სჯობს თავი არ შეიკავოთ, დასვათ ბევრი კითხვა და ბოლომდე გაერკვიოთ ყველა დეტალში. ამ შემთხვევაში საბოლოო შედეგი, უკეთესი იქნება. 




რემონტის დაწყებამდე აუცილებელია მუშებთან ერთად განრიგის შედგენა, რაც დაგეხმარებათ განსაზღვროთ, თუ როგორ უახლოვდებით დასახულ მიზანს. როგორც ბლოგის დასაწყისში ვახსენეთ, შეიძლება გეგმიდან გადახვევა ბევრჯერ მოგიწიოთ, მაგრამ განრიგის ქონა მაინც გაამარტივებს რემონტის პროცესს თქვენთვისაც და თქვენი მუშებისთვისაც.




ზოგიერთი ადამიანი ფიქრობს, რომ ოთახების ერთდროულად გარემონტება უფრო ნაკლებ დროსთან და ხარჯებთან არის დაკავშირებული, მაგრამ ეს ასე არ არის. სჯობს, პირველ რიგში ყურადღება გაამახვილოთ ისეთ ოთახებზე, სადაც დროის უმეტეს ნაწილს გაატარებთ და ბიუჯეტიც შესაბამისი მოახმაროთ და ამის შემდეგ გადახვიდეთ იმ ოთახებზე, სადაც ნაკლებ დროს გაატარებთ. 




იმ შემთხვევაში თუ რემონტისთვის გამოყოფილი ბიუჯეტი არც თუ ისე ბევრი გაქვთ, ძვირადღირებული ტექნიკის ყიდვას სჯობს ყურადღება გაამახვილოთ ისეთ ნივთებზე და მასალებზე, რომლის შეცვლაც გაცილებით დიდ ხარჯებთან არის დაკავშირებული. ტექნიკის შეცვლას ყოველთვის შეძლებთ, მაგრამ იატაკის აყრა და თავიდან დაგება არც თუ ისე სასიამოვნო პროცესი იქნება. ასე რომ დაფიქრდით, რომელი სჯობს, ძვირადღირებული ტელევიზორის თუ იაფფასიანი მასალების ყიდვა?




სანამ ავეჯს იყიდით, აუცილებელია, რომ ყველა ოთახის და ყველა კარის ზომა გაიგოთ. ხშირია ისეთი შემთხვევები, როდესაც ნაყიდი ავეჯის სახლში შეტანა მთავარი კარით შეუძლებელი ყოფილა, ან კიდევ ნაყიდი ნივთი აღმოჩენილა ოთახისთვის უზარმაზარი.

ავეჯის ზომების წინასწარ ცოდნას მეორე დადებითი მხარეც აქვს, შეიძლება რემონტის დროს შეგხვდეთ ისეთ ნივთი, რომელზეც დიდი ფასდაკლება იქნება და იყიდით წინასწარ.


ლივოს ბლოგი


livo.ge - უძრავი ქონების პლატფორმა

სხვა ბლოგები