სახლში სხვადასხვა წვრილმანი საქმეების მოგვარება შესაძლებელია საკუთარი ძალებითაც, ისე, რომ საერთოდ არ იყოს დაკავშირებული ზედმეტ ხარჯებთან და დიდი დროის ხარჯვასთან. ჩვენ მოვიძიეთ ის რეკომენდაციები, რომლის დახმარებითაც შეძლებთ თქვენთვითონვე მარტივად მოაწესრიგოთ დაზიანებული ნივთები, ან კიდევ დაიცვათ ისინი დაზიანებისგან:
თუ სანთლის წვეთი დაგესხათ ავეჯზე, პარკში ჩაყარეთ ყინულის კუბიკები და დაადეთ ცვილიან ადგილს. გააჩერეთ რამდენიმე წუთი. მას შემდეგ რაც სანთელი გაცივდება და გამკვრივდება, მარტივად შეძლებთ მის აძრობას.
თუ ცხელი სანთლის წვეთი დაგესხათ ხალიჩაზე, დააფინეთ ცვილიან ადგილს ქაღალდი და ნაზად გადაატარეთ უთო. სანთელი მიეწებება ქაღალს და ასე მოგვარდება ეს პრობლემა.
დროდადრო ჩვენს ავეჯს უჩნდება პატარა ნაკაწრები. სანამ ავეჯის რესტავრაციას გადაწყვიტავთ, პრობლემის მოგვარება სცადეთ კბილის პასტით. დაასხით კბილის პასტა ნაკაწრებს და გააჩერეთ ზედაპირზე მანამდე, სანამ მთლიანად არ ამოიწვება ეს ნაკაწრი. ამოწვის შემდეგ ის ადგილი გაწმინდეთ პირსახოცით და სამუდამოდ დაემშვიდობეთ ნაკაწრებს.
ყველამ კარგად იცის, რამდენად რთულია ახალ ნივთებზე წებოვანი ეტიკეტის აძრობა და თან ბოლომდეც არ ძვრება. ამ პრობლემის გადაჭრა შესაძლებელია სამზარეულოს ზეთით. დაასხით ზეთი ბამბას, წაუსვით წებოვან ადგილს და რამდენიმე წუთის შემდეგ მარტივად შეძლებთ მოშორებას.
პატარა ნაკაწრები და დაზიანებები თქვენს ფანჯარას ან კარებს მთლიანად გამოუსადეგარს ხდის. თუ არ გსურთ მათი გამოცვლა, შეგიძლიათ ნაკაწრების ამოსავსებად გამოიყენოთ ფრჩხილის გამჭვირვალე ლაქი. დაზიანებულ ზედაპირს გადაუსვით მცირე რაოდენობით ლაქი და რამდენიმე წუთში ეს ადგილი ისეთივე იქნება, როგორიც თავდაპირველად იყო.
თუ რომელიმე ოთახის კარი მარტივად იკეტება და ბავშვები და შინაური ცხოველები ხშირად დარბიან ოთახიდან ოთახში, არსებობს ძალიან მარტივი გამოსავალი, რომ კარის უნებლიე ჩაკეტვა ავიცილოთ თავიდან. ავიღოთ რეზინის მჭიდრო რგოლი, შემოვახვიოთ კარის სახელურს ერთ მხარეს და შემდეგ გავჭიმოთ მეორე მხარისკენ. კარის დაკეტვისას, ეს რეზინი მოექცევა ჩამკეტის შუაში და კარი აღარ ჩაიკეტება.
თუ ცხოვრობთ ისეთ ადამიანთან ერთად, რომელსაც ნაზად კარის გაღება არ გამოსდის, აუცილებელია იფიქრეთ კარის გვერდით მდებარე კედლის დაზიანებისგან დაცვაზე. ამისთვის გაჭერით ჩოგბურთის ბურთი და შემოახვიეთ კედლის მხარეს მდებარე სახელურს. კარის გაღებისას, როდესაც კედელს მოხვდება სახელური, ბურთი უკან გამოისხლიტავს მას და კედელი აღარ დაზიანდება.
თუ თქვენი შვილები თავიანთი ფანტაზიების გადმოცემას კედელზე ცდილობენ ფერადი ცვილის ფანქრებით, არ დანებდეთ! ჩართეთ ფენი და რამდენიმე წამის განმავლობაში გაათბეთ კედელზე არსებული ცვილი. შემდეგ რბილი ნაჭერი გადაუსვით და ამით პრობლემა მოგვარებული იქნება.
ლივოს ბლოგი
