ზაფხულის დასასრული ყოველთვის რამდენიმე ამბავს მოასწავებს: მზის სხივებით განებივრებული ადამიანებისათვის საზაფხულო თავგადასავლებთან გამომშვიდობებაა; მოზარდებისათვის აშკარა ნიშანი, რომ კიდევ უფრო გაიზარდნენ და ახალი სასწავლო წელიც კარს მოადგათ; თვითგანვითრებაზე მომუშავე ადამიანებისთვის, თითქოს, მეორე ახალი წელია, საიდანაც ახალ საფეხურზე ასასვლელად, ათვლა თავიდან იწყება.
ხოლო ადამიანებისთვის, რომლებიც ცხოვრებაში მრავალფეროვნებას ყოველდღიურობის გადახალისებით იქმნიან, სექტემბრის დადგომა ახალი საცხოვრებლის ძიებასთან ასოცირდება. მათ რიგებს უერთდებიან სხვადასხვა ქალაქში გადასული სტუდენტები, რომლებმაც თავიანთი განვითარებისთვის მშობლიური ქალაქისგან მოშორებით მყოფი ადგილი აირჩიეს ან ისეთი ადამიანები, რომლებსაც სურთ სამსახურთან ახლოს იყვნენ და მომრავლებული საცობების თავიდან არიდებით, დიდი დრო დაზოგონ. ამ ადამიანებს ერთი მთავარი კითხვა აერთიანებთ: სად ვიქირაოთ სახლი?
ბოლო წლების ციფრულ ტრანსფორმაციასთან ერთად მომავალი საცხოვრებლის ძიების პროცესი კიდევ უფრო გამარტივდა. იმისათვის, რომ სასურველი ბინა იპოვო, ახლა მხოლოდ ინტერნეტი და ლეპტოპი ან სმარტფონი გჭირდება, რომელიც თითის რამდენჯერმე დაჭერით, უამრავ ალტერნატივას მაგიურად გაგიჩენს. ჩვენ კი, იმისათვის, რომ ძიების პროცესი კიდევ უფრო გაგიმარტივოთ, ჩვენს ხელთარსებული 2022 წლის სტატისტიკური მონაცემები შევაჯამეთ. რაც ნიშნავს, რომ თუ ბინის დაქირავება შენც თბილისში გაქვს განზრახული და ამ ბლოგს ბოლომდე გაეცნობი, ვფიქრობთ, ახალ საცხოვრებელში გადასვლას კიდევ უფრო სწრაფად და კომფორტულად შეძლებ. მაშ, ასე:
დედაქალაქის ხმაურისა და გადატვირთული ცხოვრების წესისაგან ცოტა ხნით გაქცევა ხშირად გვინდება ხოლმე. თუმცა, ამისათვის სახლის ყიდვა და დიდი ინვესტიციის გაღება, უმეტესად, კოლოსალურ ხარჯებთანაა დაკავშირებული. თუმცა, მათთვის, ვისაც რამდენიმე კვირით თუ თვით სურს, რომ სახლი შედარებით წყნარ და ჰარმონიულ ადგილას იქირაოს, შესანიშნავი ლოკაციები შევურჩიეთ. მნიშვნელობა არ აქვს, მრტო ხარ თუ ოჯახთან ერთად, როგორც აღმოჩნდა, ოპტიმალური სივრცე მოიძებნება მრავალშვილიანი ოჯახებისა და განსამარტოვებლად წამოსული ადამიანებისთვისაც. ეს ნიშნავს, თბილისთან ახლოს 50-დან 200-კვადრატამდე ფართის მქონე სახლები შეგიძლია მარტივად იქირავო. პოპულრული ლოკაციები კი შემდეგია:
• კაკლები
• მუხათწყარო
• ოქროყანა
• წყნეთი
• წავკისი
• კოჯორი
• კიკეთი
• წოდორეთი
• შინდისი
• ტაბახმელა
www.livo.ge-ს დახმარებით, ამ მიდამოებში, 1-დან 7-საძინებალმდე ოთახების მქონე სახლებს იპოვი და საუკეთესო შემოდგომასაც შეიქმნი.
ძალიან ხშირია ისეთი შემთხვევებიც, როდესაც სახლს დედაქალაქში თბილისის მოსანახულებლად ჩამოსული მეგობარი ტურისტისთვის ვეძებთ. ასეთ დროს, უმეტესად, ირჩევენ ისეთ უბნებს, სადაც ახლადჩამოსული ადამიანი შეძლებს თბილისის კულტურასა და ისტორიას მარტივად გაეცნოს და თან ქალაქის ხასიათის გამომხატველ ადგილას დაბინავდეს. სწორედ ამიტომ, საუკეთესო არჩევანი თბილისის ძველი უბნებია, რომლებიც ცათამბჯენებისა და თანამედროვე არქიტექტურის ნაცვლად, სტუმარს კულტურული მემკვიდრეობის ძეგლებს სთავაზობს. მათ შორისაა:
• ორთაჭალა
• აბანოთუბანი
• ავლაბარი
• მთაწმინდა
• სოლოლაკი
• ვერა
• ჩუღურეთი
ამ ტერიტორიებზე, ხშირად დიდი ფართობის მქონე სახლებს შეხვდებით, თუმცა სწორედ იმიტომ, რომ ტურისტების ინტერესი ამ უბნების მიმართ მაღალია, ძალიან ხშირია სასტუმროს ტიპის აპარტამენტებად გადაკეთებუი სახლებიც, რომლებიც საშუალებას იძლევა მხოლოდ ოთახი იქირავო. 2022 წლის მონაცემებით, ამ უბნებში 1500-ზე მეტი სახლი ქირავდებოდა, რაც ჩვენი სტუმრებისთვის მოსაწონი ბინის პოვნის ალბათობას თითქმის 100%-ს უტოლებს.
მათთვის, ვისაც სურს ყველაფერი სახლთან ახლოს ჰქონდეს, საუკეთესო გამოსავალი ცენტრალური თბილისის უბნებია. ეს ადგილები განსაკუთრებით პოპულარულია მათთვის, ვისაც დატვირთული სამუშაო გრაფიკი აქვს და ასევე მათთვისაც, ვინც ხშირად, საზოგადოებრივი ტრანსპორტით გადაადგილდება. ყველაზე პოპულარული ცენტრალური უბნებია:
• საბურთალო
• ვაკე
• ნუცუბიძის ფერდობი
საბურთალო თბილისის ერთ-ერთი უდიდესი უბანია, რომელიც გამოირჩევა მაღაზიებისა და რესტორნების სიმრავლით. აქტიურადაა დატვირთული საოფისე ფართებითაც, რაც დღის განმავლობაში მიმოსვლის თვალსაზრისით საკმაოდ დატვირთულ უბნად აქცევს. თუმცა იმის გათვალისწინებით, რომ “საბურთალო” მეტროს სპეციალური ხაზია, რომელიც მთელს უბანს ემსახურება, მიმოსვლა საზოგადოებრივ ტრანსოორტით საკმაოდ სწრაფადაა შესაძლებელი. საბურთალო მისი მდებარეობის გამო, ხშირი არჩევანია დიდი ხნით ჩამოსული ტურისტებისათვის. ასევე, რამდენიმე დიდი უნივერსიტეტის არსებობის გამო, სტუდენტებისთვისაც.
რაც შეეხება ვაკეს, ამ ტერიტორიაზე ბინის ქირაობა შედარებით დიდ ხარჯებს უკავშირდება. სწორედ ამიტომ, ნაკლებად იყენებენ სტუდენტები და უმეტესად, ირჩევენ ისეთი ადამიანები, რომლებსაც სურთ თავიანთ სამუშაო სივრცესთან ახლოს იყვნენ და ამ გზით, მიმოსვლის ხარჯები და დრო დაზოგონ.
როცა სტუდენტებზე ვსაუბრობთ, მნიშვნელოვანია გვახსოვდეს, რომ მათთვის ყველაზე მნიშვნელოვანი ბინის ოპტიმალურ ფასად ქირაობაა, თანაც ისე, რომ სასწავლებეკთანაც ახლოს იყვნენ. სწორედ ამიტომ, სტუდენტებისათვის ყველაზე პოპულარული უბნებია:
• დიდი დიღომი
• დიღმის მასივი
• სამგონი
• ისანი
• სან. ზონა
დიღომი განსაკუთრებით პოპულარულია სამედიცინოს მაღალკურსელი სტუდენტებისათვის, რომლებსაც პრაქტიკების გავლა კლინიკებში უწევთ. ეს უბანი კი განსაკუთრებით დატვირთულია სწორედ სამედიცინო დაწესებულებებით.
ლივოს ბლოგი
