დიდი სიამოვნებაა, ფანჯარაში რომ გაიხედავ და ათასფრად აყვავებულ მცენარეებს დაინახავ საკუთარ აივანზე, ზამთარშიც კი. სწორედ ისეთ ყინვაგამძლე მცენარეებს გაგაცნობთ სუსხიანი თვეების განმავლობაშიც, რომ აგრძელებ აივნების და ტერასების დამშვენებას.
ზამთარში მოყვავილე ჰეტერებს ქარი და წვიმა უყვართ. ჩარგეთ ქოთანში, გადგით აივანზე და ყველაზე ცივ ამინდშიც დატკბით მისი თეთრი, წითელი ან ვარდისფერი ზარის ფორმის ყვავილებით. ხარობს ნოემრიდან მაისამდე.
წიწვოვანი მცენარეები თქვენს ბაღს, ტერასას თუ აივანს სიმწვანით გაამდიდრებს და შეუცვლელი ინგრედიენტია ლანდშაფტური კომპოზიციების შესაქმნელად.
მცოცავ მცენარეებშიც არის რამდენიმე სახეობა, რომელიც ზამთრის სუსხშიც კი ხარობს. ერთ-ერთი მათგანია კატაბარდა, იგივე კლემატისი. აქვეა სურნელოვანი ცხრატყავა და სურნელოვანი ბარდაც.
კომბოსტო, ყინვაგამძლე მცენარეებს შორის, ალბათ ყველაზე პოპულარულია. მისი სხვადასხვა ჯიში აივანზე უნიკალური ტექსტურის შექმნაში დაგეხმარებათ. როგორც კი ტემპერატურა 10 გრადუსზე დაბლა ჩამოვა, შიდა ფოთლები ვარდისფერ ელფერს იძენს.
ოსმანტუსი პატარა მარადმწვანე ბუჩქია წვეტიანი ფოთლებითა და სურნელოვანი, მოკრემისფრო-თეთრი ყვავილებით. მისი სურნელი შორ მანძილზეც კი იგრძნობა და ფრინველებს იზიდავს. შეუძლია 9 მეტრამდე გაიზარდოს და, სწორედ ამიტომ, ბაღის შემოსაღობად ან დასაჩრდილად იყენებენ.
წითელი ჭარხალი და კალე ცნობილი ყინვაგამძლე ბოსტნეულია, რომელიც შემოდგომაზე და ზამთარში ხარობს, თუმცა, ზოგი ჯიში ბევრად კარგად უძლებს ზამთრის სუსხს, ამიტომ ეს ფაქტორი შერჩევისას გასათვალისწინებელია.
სარკოკოა მარადმწვანე ბუჩქია, მუქი პრიალა მწვანე ფოთლებითა და მომცრო კრემისფერი, სურნელოვანი ყვავილებით, რომელიც ყვავილობის შემდეგ შავ პრიალა კენკრაში გადაიზრდება და ჩიტებსაც მოიზიდავს თქვენს აივანზე.
გეიხერა მრავალწლიანი მცენარეა, რომელიც მთელი ზამთრის განმავლობაში გაალამაზებს თქვენს გარემოს. მარჯნის ყვავილსაც ეძახიან, თუმცა, შეიძლება სხვა ფერიც იყოს, სხვადასხვა ფორმის ფოთლებით - გულის ფორმის, მომრგვალო ან სამკუთხა.
ამ ყვავილის ბევრი სახეობა არსებობს. საქართველოში ძირითადად იცნობენ კავკასიურ ხარისძირას. ყვავილობას დეკემბერში იწყებს და გვიან გაზაფხულამდე შემორჩება. მოსავლელად მარტივია, უპრობლემოდ იზრდება ერთ ადგილას მრავალი წლის მანძილზე. გაითვალისწინეთ, რომ საკმაოდ შხამიანია.
მრავალწლოვანი, ნახევრად ბუჩქოვანი მცენარეა, რომელსაც განსაკუთრებული არომატის გამო კულინარიაში, ხოლო სამკურნალო თვისებების გამო ხალხურ მედიცინაშიც იყენებენ. ახასიათებს მელნისფერი ან მოწითალო ყვავილები. დაბალი სიმაღლისაა და სწრაფად ვრცელდება, რაც საშუალებას მოგცემთ მწვანე საფარის მსგავსად გამოიყენოთ თქვენს ეზოში.
ლივოს ბლოგი
livo.ge - უძრავი ქონების პლატფორმა
