როგორ მოქმედებს ოთახის ფერი ჩვენს განწყობაზე

გაზიარება
დამატების თარიღი: 3 აგვისტო, 2020

სახლის ოთახების ფერი, ყოველდღიურად, მოქმედებს ჩვენს ხასიათსა და განწყობაზე, აღვიძებს სხვადასხვა სახის რეაქციებს და გავლენას ახდენს ნებისმიერი სახის ემოციაზე, დაწყებული სიმშვიდიდან დამთავრებული გაბრაზებამდე. ფერს სამი სახის ზემოქმედება შეუძლია: აქტიური, პასიური და ნეიტრალური. კედლის ფერი აუცილებლად ჩვენს პიროვნულ სურვილებთან, გემოვნებასა და ოთახის დანიშნულებასთან უნდა იყოს თანხვედრაში. ღია ფერის კედლები ოთახს წარმოაჩენს უფრო დიდს და ნათელს, ხოლო მუქი ფერები - თბილ და ინტიმურ გარემოს ქმნის. ოთახის ფერის შერჩევას დიდი მნიშვნელობა უნდა მივანიჭოთ ბინის რემონტის დაწყებამდეც და ბინის ყიდვის დროსაც.


განვიხილოთ რამდენიმე ფერი: 



წითელი ზრდის ოთახში ენერგეტიკულ დონეს და სხვა ფერებთან შედარებით ყველაზე მეტად მოქმედებს ადრენალინზე. მისი გამოყენება კარგია მისაღებ ოთახში, სამზარეულოსა და შესასვლელში, რადგან წითელი ფერი ხალხს თითქოს ერთად კრებს და ხელს უწყობს საუბრის დაწყებას, შესასვლელში კი - ძლიერ პირველ შთაბეჭდილებას ქმნის.

ყველაფერთან ერთად წითელმა ფერმა შესაძლოა გაზარდოს არტერიული წნევა და სუნთქვის და გულისცემის ინტენსივობა. 




ყვითელი ფერი იჭერს მზის სხივებს და კომუნიკაციის სურვილს აღძრავს. ეს ფერი არის შესანიშნავი არჩევანი სამზარეულოსთვის და აბაზანისთვის.

მიუხედავად იმისა, რომ ყვითელი მხიარული ფერია, მისი გამოყენება მთავარ ფერად არც თუ ისე კარგი აზრია. კვლევები აჩვენებს, რომ ადამიანები უფრო მეტად კარგავენ ტემპერამენტს ყვითელ ინტერიერში და ბავშვები უფრო მეტს ტირიან ყვითელ ოთახებში. დიდი რაოდენობით ყვითელი ფერი ქმნის იმედგაცრუების და სიბრაზის ტენდენციას. 




ამბობენ, რომ ლურჯი ფერი ცვლის არტერიულ წნევას, ანელებს სუნთქვას და გულისცემას, სწორედ ამიტომ, ლურჯი ითვლება დამამშვიდებელ, დასასვენებელ ფერად და რეკომენდირებულია საძინებლისთვის.

მისაღები ოთახისთვის, დიდი სამზარეულოსთვის და ოჯახის შეკრების ადგილებისათვის, სასურველია ნათელი ლურჯის გამოყენება, რადგან ძალიან მუქ ლურჯს აქვს საპირისპირო ეფექტი, იწვევს მწუხარების შეგრძნებას.



მწვანე ფერი თვალებს ასვენებს. ლურჯისა და მხიარული ყვითელის კომბინაციით მიღებული მწვანე სახლში თითქმის ყველა ოთახისთვის ძალიან კარგია. სამზარეულოში მწვანე ფერს ისეთი ეფექტი აქვს, რომ თითქოს აგრილებს ნივთებს, მისაღებ ოთახში კი ქმნის უფრო მეტი კომფორტის შეგრძნებას.

მწვანეს აქვს დამამშვიდებელი ეფექტიც, სტრესისგან ათავისუფლებს ადამიანებს და ხელს უწყობს მათ მოდუნებას. ყველაფერთან ერთად, ცნობილია, რომ მწვანე ფერი ზრდის პროდუქტიულობას.




იასამნისფერი მდიდარია დრამატიზმით და დახვეწილობით, ასევე ასოცირდება კრეატიულობასთან და ფუფუნებასთან. ღია იასამნისფერს აქვს ისეთივე დამამშვიდებელი შედეგი ოთახში როგორც ლურჯს. 




ნარინჯისფერი არის ენერგიული ფერი და ენთუზიამს იწვევს ადამიანებში. მიუხედავად იმისა, რომ ნარინჯისფერი არ არის კარგი მისაღები და საძინებელი ოთახებისთვის, შესანიშნავია სავარჯიშო ადგილებისთვის, რადგან ამ ფერს შეუძლია მოგცეთ ყველა ის ემოცია, რაც თქვენ გჭირდებათ ფიტნესის დროს. ნარინჯისფერი ყოველთვის ითვლებოდა ენერგიის დონის გაზრდისთვის საჭირო ფერად.



შავი, ნაცრისფერი, თეთრი და ყავისფერი


ოთხივე ნეიტრალური ფერია ოთახის დეკორაციებისთვის. გაგიკვირდებათ, მაგრამ ბევრი ექსპერტი თვლის, რომ მცირე დოზით შავი ფერის გამოყენება ოთახში აუცილებელია, რომ უფრო კარგად მოხდეს ფერების აღქმა და მიცეს ოთახს გარკვეულ სიღრმე.

თეთრი ფერი საუკეთესო არჩევანი ჭერისთვის და ზოგადად, რაც უფრო თეთრია ჭერი, კედლების ფერთან შედარებით, ოთახი უფრო დიდი ჩანს. 


ლივოს ბლოგი

livo.ge - უძრავი ქონების პლატფორმა


1 ოთახიანი ბინები თბილისში

ბინები დღიურად

3 ოთახიანი ბინები თბილისში

სხვა ბლოგები