დახურვა

როგორ შევარჩიოთ სახლისთვის იატაკი

გაზიარება
დამატების თარიღი: 1 დეკემბერი, 2020

სახლის რემონტის დროს, იატაკის სწორად შერჩევა ერთ-ერთი ყველაზე მნიშვნელოვანი გადაწყვეტილებაა. გარდა იმისა, რომ მასალა, თავის ფერითა და ტექსტურით, ინტერიერის დიზაინის განუყოფელი ნაწილი უნდა იყოს, განსასაზღვრია მისი პრაქტიკული მხარეც, დამონტაჟების სირთულე და გამძლეობა. სწორედ ამიტომ, სანამ შერჩევას დაიწყებთ, გაგაცნობთ იატაკის საფარის ყველაზე გავრცელებულ ვარიანტებს და მათ უპირატესობებსა თუ ნაკლოვანებებს.




ხის საფარი ყოველთვის აქტუალურია თავის სიმყუდროვიდან და გამძლეობიდან გამომდინარე, თუმცა, შედარებით ძვირადღირებული. მიდრეკილია ნაკაწრებისკენ, მაგრამ საკმაოდ მარტივია რესტავრაცია. სწორი მოვლის პირობებში, ის ათწლეულების განმავლობაში ძლებს და ხშირად, ფასსაც უმატებს თქვენს უძრავ ქონებას. მნიშვნელოვანია, რომ ბუნებრივი ხის იატაკი უკეთესად ინარჩუნებს ტემპერატურას და მაცხოვრებლების ჯანმრთელობაზეც დადებითად მოქმედებს.



ლამინატი, ისევე როგორც მისი მონტაჟის საფასური, უფრო ხელმისაწვდომია, ვიდრე ბუნებრივი ხე. შედარებით მარტივია დაგების პროცესიც. მაღალი ხარისხის ლამინატზე უფრო გვიან აისახება ცვეთის კვალი, ნაკლებად ჩნდება ნაკაწრები, უკეთესად უძლებს ტენიანობასა და მზის სხივებს. საშუალო დატვირთვის შემთხვევაში, დაახლოებით 15 წელიწადს ძლებს. რესტავრაცია საკმაოდ რთულია და უმეტეს შემთხვევაში, სჯობს მისი სრულად გამოცვლა.



ვინილის იატაკი არც ისეთი იაფი ალტერნატივაა, როგორადაც ადრე მიიჩნევდნენ. დღეისათვის, ამ სინთეტიკური საფარის ბევრად უფრო გამძლე და ესთეტიურად საინტერესო ვარიანტები არსებობს. ის ეფექტურად იმეორებს ხის, კერამიკისა და ქვის ფაქტურას. მრავალფეროვნებიდან და გამძლეობიდან გამომდინარე, მისი განთავსება თითქმის ყველგან შეგიძლიათ. დაგება და მოვლა უმარტივესია



კერამიკის ფილა ერთ-ერთი გავრცელებული იატაკის საფარია. გამოირჩევა როგორც გამძლეობითა და ესთეტური სილამაზით, ისე მოვლის სიმარტივით. წყალგაუმტარია, შესაბამისად, შესანიშნავია სამზარეულოსთვის, აბაზანისთვის და შემოსასვლელისთვის. მიუხედავად იმისა, რომ დაგება რთულია, საჭიროების შემთხვევაში, შეგიძლიათ მხოლოდ ცალკეული ფილების გამოცვლა. გაითვალისწინეთ, რომ საგანგებო გათბობის გარეშე, ფილა საკმაოდ ცივია, მითუმეტეს ზამთარში. 



ბუნებრივი ქვის ფილა, იქნება ეს გრანიტი, მარმარილო, ტრავერტინი თუ ქვიშქვა, იატაკის კლასიკური საფარია. ზოგიერთი მათგანი, მაგალითად ტრავერტინი, უფრო გამძლეა, ვიდრე დანარჩენი. გაითვალისწინეთ, რომ ზედაპირის დამუშავების მიხედვით, ფილა სხვადასხვა მოვლას საჭიროებს. პრიალა მარმარილოზე ნაკაწრები უფრო ადვილად ჩანს, ვიდრე გლუვზე. სათანადო მოვლით, მარმარილო 150 წელზე მეტ ხანს ძლებს უცვლელად. ის ერთ-ერთი ყველაზე გამძლე მოსაპირკეთებელი მასალაა და ესთეტურადაც გამოირჩევა სხვა ბუნებრივი სახეობებისგან.



რბილი საფარი განსაკუთრებულად კომფორტულია საძინებლებში, მოსასვენებელ და საბავშვო ოთახებში. გარდა კომფორტისა, მის დადებითი მხარეებია დაცულობა, არჩევანის მრავალფეროვნება, ხელმისაწვდომობა, დაგების სიმარტივე, ხმისა და ტემპერატურის იზოლაცია, იატაკის ზედაპირის ვიზუალური გასწორება და სხვ. თუმცა, ამ ყველაფერთან ერთად, რბილი საფარი უფრო რთული მოსავლელია; შეიძლება შეიცავდეს ალერგენებს, ითხოვს ხშირ წმენდას, მათ შორის წელიწადში ერთხელ რეცხვას და ყოველ 5-10 წელიწადში მთლიანად გამოცვლას. 


ალტერნატიული ვარიანტები



იდეალურია როგორც სამზარეულოსთვის, ისე სავარჯიშო ოთახისა და სათამაშო ადგილისთვის. 



ბუნებრივი ქვის ნატეხების ნაზავი, მოზაიკის ეფექტით, გამოდგება როგორც შენობის შიგნით, ისე - გარეთ.



მდგრადი ვინილის ალტერნატივა, ინდივიდუალური დიზაინით. ვინილის მსგავსად, მშვენიერია სველი წერტილებისა და სამზარეულოსთვის.



ეკოლოგიურად სუფთა, ხის მსგავსი საფარი, რომელსაც ისეთი კარგი წყალგამძლეობა აქვს, რომ გემბანზეც აგებენ. 



ცეცხლგამძლე, ხმის დამბლოკავი მასალა; საუკეთესოა წყნარი სივრცეებისთვის. 



ერთმანეთთან შედარება


ბინის რემონტის დროს, იატაკის შერჩeვასთან ერთად მნიშვნელოვანია განსაზღვროთ ოთახების სივრცე და ფერები, გაეცანი დეტალურად, თუ როგორ გამოაჩინოთ სახლი უფრო ფართო და ნათელი.

იატაკის საფარის სხვადასხვა ვარიანტების ერთმანეთთან შედარება საბოლოო არჩევანის გაკეთებაში დაგეხმარებათ.

რომელი გირჩევნიათ:

რბილი საფარი თუ ფიცარი? ფიცარი თუ ლამინატი? ფაიფური თუ კერამიკა? ვინილი თუ ლამინატი?


ყველაზე გამძლე: ბამბუკი, ტრავერტინი და ვინილი.


საუკეთესო შინაური ცხოველებისათვის: თუ შინაური ცხოველები გყავთ, იდეალური იატაკის საფარია გლუვი ფაიფური ან ბუნებრივი ქვის ფილები. მათი წყალგაუმტარი ზედაპირი ნაკლებად იკაწრება და იცვითება.


საუკეთესო მთელი სახლისთვის: თუ მთელი სახლისთვის ერთგვაროვანი საფარის შერჩევა გსურთ, უპირატესობა მიანიჭეთ ხის ფიცრებს და პარკეტს. ეს ორი ვარიანტი, როგორც წესი, ყველა ოთახს უხდება.


მეორადი გამოყენებისთვის: ბამბუკი და კორკი.


წყალგამძლე: ფაიფური, კერამიკა, ვინილი და ბეტონი.


ადვილად დასაგები და მარტივად მოსავლელი: ვინილი დასაგებად, ისევე როგორც მოსავლელად, ყველაზე მორჩილი მასალაა.


ცეცხლგამძლე: ამ შემთხვევაში, გამოირჩევა ქვა ან ფაიფური, რომელიც არც იწვის და არც დნება.


ხმის იზოლაციისთვის: კორკი ან რბილი საფარი იდეალური ვარიანტია ხმის იზოლაციისთვის. სწორედ მათ ანიჭებენ უპირატესობას საბავშვო სივრცეებში ან ხმის ჩამწერ სტუდიებში.


ბავშვებისთვის: ყველაზე გამძლე საფარი ბავშვებისთვის, ვინილი, ან ხალიჩაა. ერთი ვარიანტი არ იკარებს ლაქებს, მეორე კი - ნაკაწრებს.


საბოლოო გადაწყვეტილების მიღების დროს გაითვალისწინეთ შემდეგი ფაქტორები:

 

ოჯახური მდგომარეობა: თუ მცირეწლოვანი ბავშვები გყავთ, ან შინაური ცხოველები, უპირატესობა წყლისა და ნაკაწრების მიმართ მდგრად იატაკს მიანიჭეთ.


ბიუჯეტი: იატაკის საფარის ფართო არჩევანთან ერთად, ფასიც სხვდასხვაა.


მონტაჟი: ზოგიერთ მასალას დამატებით ქვედა ხის ფენა სჭირდება, რამაც შეიძლება ღირებულება გაზარდოს.


სტილი: ესთეტური თვალსაზრისით, ზოგიერთ სახეობას მეტი უპირატესობა აქვს.


სწორი ინვესტიცია: ხშირად ნიშნავს მეტი თანხის გადახდას, თუმცა, სანაცვლოდ მდგრადი, ხარისხიანი და გრძელვადიანი საფარის უზრუნველყოფას

სხვა ბლოგები