დაგვეთანხმებით, რომ ძალიან კარგი იდეაა, სახლის რემონტის ან სახლის დიზაინზე მუშაობის დაწყებამდე, ზუსტად იცოდეთ თუ როგორი გამოვა. ამისათვის არ არის საჭირო არც ძლიერი კომპიუტერის შეძენა, არც სპეციალური განათლების ქონა და კურსებზე ჩაწერა.
ჩვენ დაგეხმარებით სახლის დიზაინის შესაქმნელი ვირტუალური პროგრამების შერჩევაში, რომელიც ადვილად გამოსაყენებელია იმ შემთხვევაშიც კი თუ თქვენ მსგავსი პროგრამა აქამდე არ გამოგიყენებიათ და ადვილად შეძლებთ მრავალი სახის ექსპერიმენტის ჩატარებას. ვირტუალურ რეალობაში ნახავთ როგორ გამოიყურება თქვენი ბავშვის ოთახი თუ მას ვარდისფერი პონის ფრად შეღებავთ, ნახავთ როგორ გამოჩნდება სხვადასხვა ტექსტურის თუ ფერის პარკეტი თქვენს სახლში და როგორი შპალერი მოუხდება მისაღებ ოთახს.
ყველაზე ფართო შესაძლებლობის მქონე პროგრამაა. ადვილი გამოსაყენებელია და გაძლევთ საშუალებას, რომ უყურადღებოდ არ დატოვოთ პატარა არქიტექტურული დეტალებიც კი. მასში შეგიძლიათ შექმნათ როგორც ეზოს გამწვანების დეტალები, ასევე საცურაო ავზების ულამაზესი დიზაინები. პროგრამა გაძლევთ საშუალებას, რომ გამოიყენოთ წინასწარ გამზადებული დიზაინის ელმენტებიც და ნახოთ, რა არის ყველაზე ტრენდული დღესდღეისობით.
პროგრამა გაძლევთ საშუალებას, რომ ადვილად ატვირთოთ თქვენი ოთახის ან სახლის გეგმა, უკვე არსებული ინტერიერის შაბლონებიდან შექმნათ მრავალი სახის კომბინაცია და საბოლოოდ აარჩიოთ ის რაც თქვენ ნამდვილად მოგეწონებათ.
პროგრამის საშუალებით თქვენ შეგიძლიათ შეხედოთ დიზაინს მრავლი რაკურსით და ნახოთ ყველაზე უმნიშნელო დეტალებიც კი.
მის ყველაზე დიდ უპირატესობას წარმოადგენს ფუნქცია, რის მიხედვითაც თქვენ შეგიძლიათ ვირტუალურ სახლში განათავსოთ ტექნიკის და ავეჯის სინამდვილეში არსებული მოდელები, მაგ: კონკრეტული ბრენდის მაცივარი, გაზქურა, მაგიდა და ასე შემდეგ. ჯამში თქვენ ნახავთ 120’000-ზე მეტ რეალურად არსებულ სხვადასხვა ბრენდის პროდუქტს.
წარმოადგენს პროფესიონალური 3D (სამგანზომილებიანი) დიზაინის პროგრამას.
გამოირჩევა მარტივი ინტერფეისით და არსებული შაბლონების სიმრავილით. არსებობს პროგრამის ფასიანი, მრავალფუნქვიური ვერსიაც, მაგრამ ის უფრო მეტად პროფესიონალ დიზაინერებზე არის გათვლილი.
დაგვეთანხმებით ალბათ, რომ სამზარეულოს განსაკუთრებული ადგილი უჭირავს ნებისმიერ სახლში და ალბათ იმაშიც დაგვეთანხმებით, რომ სამზარეულოს შერჩევა არ არის ადვილი.
სამზარეულოს დიზაინის შექმნაში კი დაგეხმარებათ შვედური ავეჯის მწარმოებელი კომპანიის, იკეას, პროგრამა.
თქვენ უბრალოდ შეგყავთ ზომები და დანარჩენს უკვე პროგრამის საშუალებით აკეთებთ. პროგრამის უპირატესობას წამოადგენს ფუნქცია, რისი საშუალებითაც შეგიძლიათ დაიანგარიშოთ რა სახის და რა რაოდენობის მასალა დაგჭირდებათ.
ლივოს ბლოგი
